മലപ്പുറം: മലപ്പുറം ജില്ലയിലും നിപ്പ ജാഗ്രതാ നിര്‍ദേശം പുറപ്പെടുവിച്ചു. മഞ്ചേരി മെഡിക്കല്‍ കോളജില്‍ പനിയും അപസ്മാര ലക്ഷണവുമുള്ള ഒരാള്‍ നിരീക്ഷണത്തിലാണ്. ഇതേ തുടര്‍ന്നാണ് ജാഗ്രതാ നിര്‍ദേശം നല്‍കിയത്. ഇയാളുടെ സ്രവം പരിശോധനയ്ക്ക് അയച്ചു.
ചികിത്സയിലുള്ളയാള്‍ സമ്പര്‍ക്കപ്പട്ടികയില്‍ ഉള്‍പ്പെട്ടയാള്‍ അല്ല. എന്നാല്‍ രോഗലക്ഷണമുള്ളതിനാലാണ് സ്രവം പരിശോധനയ്ക്ക് അയച്ചത്.
കലക്ടറുടെ അധ്യക്ഷതയില്‍ വിവിധ വകുപ്പു മേധാവികളുടെ ജില്ലാതല യോഗം ചേര്‍ന്നു. മുന്‍കരുതല്‍ നടപടികള്‍ സംബന്ധിച്ച് കലക്ടര്‍ മേധാവികള്‍ക്ക് നിര്‍ദേശം നല്‍കിയിട്ടുണ്ട്.
