വിഭജന ഭീതി ദിന ആഹ്വാനം, കോൺഗ്രസ് രാജ്യവ്യാപക പ്രക്ഷോഭം, പാലിയേക്കര ടോൾ സുപ്രീംകോടതിയിൽ, ഇളക്കിമറിച്ച് കൂലി, ഇന്നറിയാൻ പ്രധാന വാര്‍ത്തകൾ

നിരവധി രാഷ്ട്രീയ പ്രാധാന്യമുള്ള വാര്‍ത്തകൾക്കൊപ്പം തന്നെ വിനോദ വാര്‍ത്തകളും ചേര്‍ന്ന് വാര്‍ത്താബാഹുല്യമുള്ള ഒരു ദിനത്തിലേക്കാണ് നമ്മൾ കടക്കുന്നത്. വിഭജന ഭീതി ദിനമായി ആചരിക്കാൻ കേന്ദ്ര സർക്കാർ ആഹ്വാനം ചെയ്തതുമായി ബന്ധപ്പെട്ട

വിവാദങ്ങളും കോൺഗ്രസിന്റെ രാജ്യവ്യാപക വോട്ടര്‍ പട്ടിക സമരത്തിനുമൊപ്പം രജനീകാന്ത് ചിത്രം കൂലി എത്തുന്നതിന്റെ ആവേശവും വാര്‍ത്തകളിൽ നിറയുകയാണ്. അറിയാം ഇന്നത്തെ പ്രധാന വാര്‍ത്തകൾ.

ഇന്ന് വിഭജന ഭീതി ദിനമായി ആചരിക്കാൻ കേന്ദ്ര സർക്കാർ ആഹ്വാനം വിഭജന ഭീതി ദിനമായി ഇന്ന് ആചരിക്കാൻ കേന്ദ്ര സർക്കാർ ആഹ്വാനം ചെയ്തു. രാജ്യം വിഭജിക്കപ്പെട്ടപ്പോൾ ജീവൻ നഷ്ടപ്പെട്ടവരെയും പലായനം ചെയ്യേണ്ടി വന്നവരെയും ഓർമ്മിക്കാനായാണ് ഈ ദിനം ആചരിക്കുന്നത്.

2021-ലാണ് പ്രധാനമന്ത്രി നരേന്ദ്ര മോദി ഇത് പ്രഖ്യാപിച്ചത്. ചില സംസ്ഥാന സർക്കാരുകൾ ഈ ദിനാചരണത്തോട് എതിർപ്പ് പ്രകടിപ്പിച്ചിട്ടുണ്ടെങ്കിലും ബിജെപി ഭരിക്കുന്ന സംസ്ഥാനങ്ങൾ ദിനാചരണവുമായി മുന്നോട്ട് പോവുകയാണ്.

നാളത്തെ സ്വാതന്ത്ര്യ ദിനാഘോഷം കണക്കിലെടുത്ത് രാജ്യതലസ്ഥാനമായ ഡൽഹി കനത്ത സുരക്ഷാ വലയത്തിലാണ്. തന്ത്രപ്രധാനമായ എല്ലാ മേഖലകളിലും സുരക്ഷ ശക്തമാക്കിയിട്ടുണ്ട്.

വോട്ടർ പട്ടികയിലെ ക്രമക്കേടുകൾക്കെതിരെ കോൺഗ്രസിൻ്റെ രാജ്യവ്യാപക പ്രക്ഷോഭം വോട്ടർ പട്ടികയിലെ ക്രമക്കേടുകൾക്കെതിരെ കോൺഗ്രസിൻ്റെ രാജ്യവ്യാപക പ്രക്ഷോഭത്തിന് ഇന്ന് തുടക്കമാകും. ഇതിൻ്റെ ഭാഗമായി രാത്രി 8 മണിക്ക് മെഴുകുതിരി തെളിയിച്ച് പ്രതിഷേധ പരിപാടികൾക്ക് തുടക്കമിടും.

“വോട്ട് കള്ളൻ, സിംഹാസനം വിട്ട് പോകുക” എന്ന മുദ്രാവാക്യവുമായാണ് പ്രധാനമന്ത്രിക്കെതിരെ പ്രചാരണം നടത്തുന്നത്. സെപ്റ്റംബർ 7 വരെ നീണ്ടുനിൽക്കുന്ന പ്രചാരണ റാലികളും സംഘടിപ്പിക്കും.

പ്രൊഡ്യൂസേഴ്സ് അസോസിയേഷൻ്റെ തിരഞ്ഞെടുപ്പ് ഇന്ന് സിനിമ നിർമ്മാതാക്കളുടെ സംഘടനയായ പ്രൊഡ്യൂസേഴ്സ് അസോസിയേഷൻ്റെ തിരഞ്ഞെടുപ്പ് ഇന്ന് കൊച്ചിയിലെ ഹോട്ടൽ അബാദ് പ്ലാസയിൽ വെച്ച് നടക്കും. സംഘടനയുമായി അഭിപ്രായവ്യത്യാസങ്ങളുള്ള നിർമ്മാതാവ് സാന്ദ്ര തോമസ് എക്സിക്യൂട്ടീവ് കമ്മിറ്റിയിലേക്ക് മത്സരിക്കുന്നുണ്ട്.

പ്രസിഡന്റ് സ്ഥാനത്തേക്ക് മത്സരിക്കാനുള്ള സാന്ദ്ര തോമസിൻ്റെ അപേക്ഷ സബ് കോടതി നേരത്തെ തള്ളിയിരുന്നു. ബിജെപി കോർ കമ്മിറ്റി യോഗം ഇന്ന് കൊച്ചിയിൽ ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ അധ്യക്ഷനായതിന് ശേഷം പുനഃസംഘടിപ്പിക്കപ്പെട്ട

കോർ കമ്മിറ്റിയുടെ ആദ്യ യോഗം ഇന്ന് കൊച്ചിയിൽ ചേരും. രാവിലെ 11 മണിക്ക് വൈഎംസിഎയിലാണ് യോഗം നടക്കുക.

വരാനിരിക്കുന്ന തദ്ദേശ തിരഞ്ഞെടുപ്പിനായുള്ള ഒരുക്കങ്ങളാണ് യോഗത്തിൻ്റെ പ്രധാന അജണ്ട. തിരഞ്ഞെടുപ്പ് മുന്നിൽ കണ്ട് സർക്കാരിനെതിരെ കൂടുതൽ പ്രക്ഷോഭങ്ങൾ സംഘടിപ്പിക്കുന്നതുമായി ബന്ധപ്പെട്ട

കാര്യങ്ങൾ യോഗത്തിൽ ചർച്ച ചെയ്യും. കൂടാതെ, തൃശൂരിലെ വോട്ടർ പട്ടിക ക്രമക്കേടുകൾ സംബന്ധിച്ച് ഉയർന്ന ആരോപണങ്ങൾ മറികടക്കുന്നതിനുള്ള തന്ത്രങ്ങളും യോഗം ആവിഷ്കരിക്കും.

‘കൂലി’ തിയറ്ററുകളിൽ, ആദ്യ ഷോയ്ക്ക് ആവേശകരമായ വരവേല്‍പ്പ്. തലൈവർ രജനികാന്ത് നായകനാകുന്ന ലോകേഷ് കനകരാജ് ചിത്രം ‘കൂലി’ തിയറ്ററുകളിൽ.ആദ്യ ഷോയ്ക്ക് ആവേശകരമായ വരവേല്‍പ്പാണ് ആരാധകര്‍ നൽകിയത്. ആമിർ ഖാൻ, നാഗാർജുന, ഉപേന്ദ്ര, സൗബിൻ ഷാഹിർ, സത്യരാജ്, ശ്രുതി ഹാസൻ തുടങ്ങിയ വലിയ താരനിരയാണ് ചിത്രത്തിൽ അണിനിരക്കുന്നത്.

റിലീസിന് മുമ്പുതന്നെ 100 കോടി ക്ലബിൽ ചിത്രം ഇടം പിടിച്ചിരുന്നു. ആദ്യ ദിനം തന്നെ 12 ലക്ഷം ടിക്കറ്റുകളാണ് വിറ്റുപോയത്.

ചിത്രത്തിലെ അക്രമാസക്തമായ രംഗങ്ങൾ കാരണം ‘എ’ സർട്ടിഫിക്കറ്റാണ് സെൻസർ ബോർഡ് നൽകിയിരിക്കുന്നത്. പാലിയേക്കര ടോൾ പിരിവ്: ദേശീയപാത അതോറിറ്റിയുടെ ഹർജി സുപ്രീംകോടതി ഇന്ന് പരിഗണിക്കും പാലിയേക്കരയിൽ ടോൾ പിരിവ് തടഞ്ഞ ഹൈക്കോടതി ഉത്തരവിനെതിരെ ദേശീയപാത അതോറിറ്റി ഉൾപ്പെടെയുള്ളവർ നൽകിയ ഹർജി സുപ്രീംകോടതി ഇന്ന് പരിഗണിക്കും.

ചീഫ് ജസ്റ്റിസ് അധ്യക്ഷനായ ബെഞ്ചാണ് ഹർജിയിൽ വാദം കേൾക്കുക. നാലാഴ്ചത്തേക്ക് ടോൾ പിരിവ് തടഞ്ഞുകൊണ്ടുള്ള ഹൈക്കോടതി ഉത്തരവിനെതിരെയാണ് ദേശീയപാത അതോറിറ്റി സുപ്രീംകോടതിയെ സമീപിച്ചത്.

അതേസമയം, ഹൈക്കോടതിയിലെ ഹർജിക്കാരനായിരുന്ന ഷാജി കോടങ്കണ്ടത്ത് ഈ വിഷയത്തിൽ തടസ്സ ഹർജി നൽകിയിട്ടുണ്ട്. ബിഹാർ വോട്ടർ പട്ടിക പരിഷ്‌കരണം: ഹർജികളിൽ സുപ്രീം കോടതിയിൽ വാദം പൂർത്തിയായേക്കും ബിഹാറിലെ വോട്ടർ പട്ടിക തീവ്ര പരിഷ്കരണത്തിനെതിരായ ഹർജികളിൽ സുപ്രീം കോടതിയിൽ ഇന്ന് വാദം പൂർത്തിയായേക്കും.

തിരഞ്ഞെടുപ്പ് കമ്മീഷന്റെ വാദമാണ് ഇന്ന് പ്രധാനമായും നടക്കുക. എസ്.ഐ.ആറിൽ (Special Intensive Revision) നിന്ന് ഒഴിവാക്കിയ 65 ലക്ഷം പേരുടെയും പട്ടിക തിരഞ്ഞെടുപ്പ് കമ്മീഷൻ പ്രസിദ്ധീകരിക്കണമെന്ന് ഹർജിക്കാർ ഇന്നലെ വാദിച്ചിരുന്നു.

ആധാർ ഉൾപ്പെടെയുള്ള രേഖകൾ പൗരത്വത്തിന് നിർണായകമായ തെളിവായി സ്വീകരിക്കാത്തത് വോട്ടർമാരെ പുറത്താക്കാൻ കാരണമാകുമെന്നും ഹർജിക്കാർ ആരോപിച്ചു. കേരളത്തിൽ മഴ ബംഗാൾ ഉൾക്കടലിൽ രൂപംകൊണ്ട

ന്യൂനമർദം ശക്തിപ്രാപിക്കുന്നതിനാൽ കേരളത്തിൽ അടുത്ത രണ്ട് ദിവസവും മഴ തുടരും. വിവിധ ജില്ലകളിൽ യെല്ലോ അലേർട്ട് പ്രഖ്യാപിച്ചിട്ടുണ്ട്.

യെല്ലോ അലേർട്ട് പ്രഖ്യാപിച്ച ജില്ലകൾ: ഓഗസ്റ്റ് 14: എറണാകുളം, തൃശൂർ, മലപ്പുറം, കോഴിക്കോട്, കണ്ണൂർ, കാസർകോട്, ഓഗസ്റ്റ് 15: എറണാകുളം, തൃശൂർ, മലപ്പുറം, കോഴിക്കോട് ഈ ജില്ലകളിൽ ഒറ്റപ്പെട്ട ശക്തമായ മഴ ലഭിക്കാൻ സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു.

24 മണിക്കൂറിനുള്ളിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുമെന്നാണ് പ്രവചനം. ഈ സാഹചര്യത്തിൽ ആവശ്യമായ മുൻകരുതലുകൾ സ്വീകരിക്കാൻ അധികൃതർ നിർദേശം നൽകിയിട്ടുണ്ട് …