മലയാള സിനിമയ്ക്ക് വേറിട്ട മുഖ പ്രസാദം നൽകിയ നടി ലക്ഷ്മിക്ക് ഇന്ന് ജന്മദിനം
സ്വന്തം ലേഖകൻ
കോട്ടയം:ഒരു ഭാഷയിൽ വൻവിജയം നേടിയ ചിത്രത്തിലെ
നായിക എല്ലാ ഭാഷകളിലും അതേ കഥാപാത്രത്തെ അവതരിപ്പിച്ച്‌ വലിയ വിജയം നേടിയെടുത്ത ചരിത്രം നമുക്ക് അപരിചിതമല്ല. 1974-ൽ എം ഓ ജോസഫ് നിർമ്മിച്ച്
ലക്ഷ്മി നായികയായി അഭിനയിച്ച “ചട്ടക്കാരി “എന്ന ചിത്രത്തിന് അത്തരമൊരു വലിയ വിജയഗാഥയുണ്ട്. ഏതാനും തമിഴ് ചിത്രങ്ങളിൽ മുഖം കാണിച്ചിരുന്ന ലക്ഷ്മി എന്ന യുവസുന്ദരിയുടെ മലയാളത്തിലെ ആദ്യ ചിത്രമായിരുന്നു ചട്ടക്കാരി .
ആദ്യ ചിത്രം കൊണ്ട് തന്നെ മലയാളികളുടെ മനസ്സിൽ സ്ഥാനം പിടിച്ച ലക്ഷ്മി ചട്ടക്കാരിയിലൂടെ തമിഴിലും തെലുങ്കിലും ഹിന്ദിയിലുമെല്ലാം നായികയായി അരങ്ങേറി.
എല്ലാ ഭാഷകളിലും ചട്ടക്കാരി സൂപ്പർ ഹിറ്റ് ആവുകയും ചെയ്തു …
മദ്രാസ്സിൽ സ്ഥിരതാമസമാക്കിയ ഒരു തെലുങ്കു ബ്രാഹ്മണ കുടുംബത്തിലെ പെൺകുട്ടിയായിരുന്നു ലക്ഷ്മി. സിനിമയിൽ വരുന്നതിനു മുമ്പ് തന്നെ വിവാഹം കഴിക്കുകയും ഒരു കുഞ്ഞിന്റെ അമ്മയാവുകയും ചെയ്ത ലക്ഷ്മി ചട്ടക്കാരിയിലെ നായകൻ മോഹ ശർമ്മയുമായി പ്രണയത്തിലാവുകയും ആ പ്രണയം രണ്ടാം വിവാഹത്തിലേക്ക് എത്തിച്ചേരുകയുമുണ്ടായി.
ഷീലയും ജയഭാരതിയും വിജയശ്രീയുമെല്ലാം കത്തി നിൽക്കുന്ന കാലത്തുതന്നെയാണ് ലക്ഷ്മി മലയാളസിനിമയിൽ തന്റേതായ സ്ഥാനമുറപ്പിച്ചെടുത്തത്. മലയാള സിനിമയ്ക്ക് വേറിട്ട മുഖപ്രസാദം നൽകിയ ഭരതന്റെ ആദ്യ ചിത്രം “പ്രയാണ ” ത്തിലെ നായികയും ലക്ഷ്മി ആയിരുന്നു. “പിക്നിക്ക് ” എന്ന ചിത്രത്തിൽ പ്രേംനസീറിന്റെ
നായികയായതോടുകൂടി ലക്ഷ്മി മലയാളികളുടെ ഹരമായി മാറി. മികച്ച നടിക്കുള്ള ദേശീയ പുരസ്ക്കാരവും ലഭിച്ചിട്ടുണ്ട്.
തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
| |
1952 ഡിസംബർ 13- ന് ജനിച്ച ലക്ഷ്മി എന്ന ദക്ഷിണേന്ത്യൻ നടിയുടെ ജന്മദിനമാണിന്ന്.
മലയാളനാടിന് മറക്കാനാവാത്ത ഒട്ടേറെ ഗാനരംഗങ്ങൾക്ക് ജീവൻ പകര്ന്ന പ്രിയ നടിക്ക് ജന്മദിനാശംസകൾ
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
