ലക്ഷങ്ങളോ കോടികളോ അല്ല, രത്തൻ ടാറ്റ ധരിച്ചിരുന്ന വാച്ചിന്റെ വില എത്രയാണെന്നറിയാമോ?

.news-body p a {width: auto;float: none;}

മുംബയ്: ടാ​റ്റ സാമ്രാജ്യത്തിന്റെ എക്കാലത്തെയും നഷ്ടമാണ് മുൻ ചെയർമാൻ രത്തൻ ടാ​റ്റയുടെ വിയോഗം. അടുത്തിടെയാണ് വാർദ്ധക്യസംബന്ധമായ അസുഖത്തെ തുടർന്ന് അദ്ദേഹം ഇന്ത്യൻ വ്യവസായ ലോകത്തിൽ നിന്നും വിടപറഞ്ഞത്. ഇതോടെ ടാ​റ്റ ട്രസ്​റ്റിന്റെ ചെയർമാനായി രത്തൻ ടാ​റ്റയുടെ അർദ്ധസഹോദരനായ നോയൽ ടാ​റ്റ സ്ഥാനമേൽക്കുകയായിരുന്നു.

കൊളാബയിലെ 200 കോടി വിലമതിക്കുന്ന ആഡംബര വീടും പ്രൈവ​റ്റ് ജെ​റ്റും, ഫെരാരി കാലിഫോർണിയ ടി, ജാഗ്വാർ എഫ് ടൈപ്പ് അടങ്ങുന്ന ആഡംബര വാഹനങ്ങളുടെ ശേഖരണം ഉണ്ടായിട്ടും ലളിതമായ ജീവിതം നയിച്ചിരുന്ന വ്യക്തിയായിരുന്നു രത്തൻ ടാ​റ്റ. ഇപ്പോഴിതാ രത്തൻ ടാ​റ്റയുടെ മുൻകാല ചിത്രമാണ് സോഷ്യൽമീഡിയയിൽ വൈറലാകുന്നത്.

ഇന്ത്യയിലെ ശതകോടീശ്വരൻമാരുടെ പട്ടികയിൽ ഇടംപിടിച്ചിട്ടും ലളിതമായ ജീവിതമാണ് രത്തൻ ടാ​റ്റ നയിച്ചിരുന്നത്. ക്വാർഡ്സ് പവറുളള വിക്ടോറിനോക്സ് സ്വിസ് ആർമി റീക്കൺ വാച്ച് ധരിച്ച രത്തൻ ടാ​റ്റയുടെ ചിത്രമാണ് ചർച്ചയാകുന്നത്. കോടികൾ വിലമതിക്കുന്ന ഔട്ട്ഫി​റ്റുകൾ കൊണ്ട് ശതകോടീശ്വരൻമാർ വ്യത്യസ്തമാകുന്ന ഈ കാലത്താണ് രത്തൻ അധികം വിലയില്ലാത്ത വാച്ച് ധരിച്ചിരുന്നത്. നിരവധി സാമൂഹിക പ്രവർത്തനങ്ങൾക്കും പുതിയ സ്​റ്റാർട്ട് അപ്പുകൾക്ക് പണം നിക്ഷേപിക്കുകയും ചെയ്യുന്നത് മ​റ്റുളള വ്യവസായികളിൽ നിന്ന് അദ്ദേഹത്തെ വ്യത്യസ്തനാക്കിയിട്ടുണ്ട്.

പ്ലാസ്​റ്റിക് കെയ്സിൽ പ്രസ് ഓൺ ബാക്ക് സ്ഥാപിച്ചിരിക്കുന്ന രീതിയിലുളളതാണ് വാച്ച്. കാര്യക്ഷമമായി പ്രവർത്തിക്കുന്ന വാച്ചിൽ ബോൾഡായിട്ട് മണിക്കൂറുകളെ സൂചിപ്പിക്കുന്ന അടയാളങ്ങളും കാണാം. 3,6,9 എന്നീ സംഖ്യകളാണ് ബോൾഡായിട്ട് രേഖപ്പടുത്തിയിട്ടുളളത്.ഏകദേശം 10,328 രൂപയാണ് ഇതിന്റെ വില.