അടൂർ: ഒക്ടോബർ ഏഴിന് കൊല്ലം-തിരുമംഗലം പാതയിലെ തെങ്കാശി ശിവഗിരി ചെക്ക്‌ പോസ്റ്റിൽ വെച്ച് തമിഴ്നാട് പോലീസ് കണ്ടെത്തിയ 105 കിലോ കഞ്ചാവ് കേസിലെ മുഖ്യ പ്രതിയായ അടൂർ സ്വദേശി പറക്കോട് ലത്തീഫ് മൻസിലിൽ അജ്മലിനെ അടൂർ പോലീസും തമിഴ്നാട് പോലീസും ചേർന്ന സംയുക്ത ഓപ്പറേഷൻ വഴി പിടികൂടി.
കേസിൽ ഡ്രൈവർ തമിഴ്നാട് സ്വദേശിയായ പുളിയങ്കുടി കർപ്പഗവീഥി സ്ട്രീറ്റിൽ മുരുഗാനന്ദം എറണാകുളം സ്വദേശി ബഷീർ എന്നിവരെ പോലീസ് അറസ്റ്റ് ചെയ്തിരുന്നു. തുടർന്ന് നടത്തിയ വിശദമായ അന്വേഷണത്തിലാണ് അജ്മലിന്റെ പങ്ക് പോലീസിനു ലഭിച്ചത്. തുടർന്ന് തമിഴ്നാട് പോലീസ് അടൂർ പോലീസിന്റെ സഹായം തേടി കഴിഞ്ഞ ദിവസം അടൂരിലെത്തി. തുടർന്ന് ഉദ്യോഗസ്ഥരും അടൂർ പോലീസും ചേർന്ന് നടത്തിയ അന്വേഷണത്തിൽ ഇളമണ്ണൂരിൽ നിന്നും അജ്മലിനെ പിടികൂടുകയായിരുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
