കാലിഫോര്‍ണിയ: കഴിഞ്ഞ ചൊവ്വാഴ്ച ആപ്പിൾ “Awe Dropping” പരിപാടിയിൽ ഏറ്റവും പുതിയ ഐഫോൺ 17 സീരീസ് അനാച്ഛാദനം ചെയ്‌തിരുന്നു. പ്രകാശനത്തില്‍ എല്ലാവരുടെയും ശ്രദ്ധ പിടിച്ചുപറ്റിയ ഐഫോൺ മോഡലായിരുന്നു ‘ഐഫോൺ എയർ’ എന്ന സ്ലിം ഫോണ്‍.
ആപ്പിളിന്‍റെ ചരിത്രത്തിലെ ഏറ്റവും കട്ടി കുറഞ്ഞ ഐഫോൺ ആണിത്. ഐഫോണ്‍ എയര്‍ രൂപകൽപ്പന ചെയ്‌ത വ്യക്തിയും ചർച്ചകളിൽ ഇടം നേടിക്കഴിഞ്ഞു.
ടെക് ഭീമനായ ആപ്പിളിന്‍റെ ഇൻഡസ്ട്രിയൽ ഡിസൈനർ അബിദുർ ചൗധരിയാണ് ഐഫോൺ എയർ രൂപകൽപ്പന ചെയ്തത്. അബിദുർ ചൗധരി ആരാണെന്ന് വിശദമായി അറിയാം.
ആരാണ് അബിദുർ ചൗധരി? ഇന്ത്യന്‍ വേരുകളുള്ള അബിദുർ ചൗധരി ലണ്ടനിലാണ് ജനിച്ചത്. അബിദുര്‍ ഇപ്പോള്‍ സാൻ ഫ്രാൻസിസ്കോയില്‍ ആപ്പിൾ കമ്പനിയിൽ ഇൻഡസ്ട്രിയൽ ഡിസൈനറായി ജോലി ചെയ്യുന്നു.
“ഞാൻ ജനിച്ചതും വളർന്നതും ലണ്ടനിലാണ്, ഇപ്പോൾ ഞാൻ സാൻ ഫ്രാൻസിസ്കോയിൽ ഒരു ഡിസൈനറായി ജോലി ചെയ്യുന്നു. ഇത്രയും അത്ഭുതകരമായ പ്രോജക്‌ടുകളിൽ പ്രവർത്തിക്കാൻ അവസരം ലഭിച്ചതിൽ ഞാൻ വളരെ ഭാഗ്യവാനായി കരുതുന്നു.” അബിദുർ ചൗധരി തന്‍റെ വെബ്‌സൈറ്റിൽ വിവരിക്കുന്നു.
പ്രശ്‌നങ്ങൾ പരിഹരിക്കുന്നതും പുതിയ കാര്യങ്ങൾ പഠിക്കുന്നതും തനിക്ക് ഇഷ്‌ടമാണെന്ന് അദേഹം പറയുന്നു. ആളുകൾക്ക് അതില്ലാതെ ജീവിക്കാൻ കഴിയാത്ത വിധത്തിൽ നൂതനമായ ഉൽപ്പന്നങ്ങൾ സൃഷ്‍ടിക്കുമ്പോഴാണ് ഏറ്റവും സന്തോഷം ലഭിക്കുന്നതെന്നും അബിദുർ ചൗധരി പറയുന്നു.
എവിടെയാണ് അബിദുർ ചൗധരി പഠിച്ചത്? യുകെയിലെ ലൗബറോ സർവകലാശാലയിൽ നിന്ന് ഉൽപ്പന്ന രൂപകൽപ്പനയില്‍ ചൗധരി ബിരുദം നേടിയിട്ടുണ്ട്. വിദ്യാർഥി ജീവിതത്തിലെ അദ്ദേഹത്തിന്‍റെ നേട്ടങ്ങളും അത്ഭുതകരമായിരുന്നു.
3D ഹബ്‌സ് സ്റ്റുഡന്‍റ് ഗ്രാന്‍റ്, ജെയിംസ് ഡൈസൺ ഫൗണ്ടേഷൻ ബർസറി, കെൻവുഡ് അപ്ലയൻസസ് അവാർഡ് തുടങ്ങി നിരവധി അഭിമാനകരമായ അവാർഡുകൾ അബിദുർ ചൗധരി നേടി. കൂടാതെ സെയ്‌മൂർ പവൽ ഡിസൈൻ വീക്ക് മത്സരത്തിൽ ആബിദുർ ഒന്നാം സ്ഥാനം നേടി.
അബിദുറിന്‍റെ പ്ലഗ് ആൻഡ് പ്ലേ ഡിസൈനിന് 2016-ൽ റെഡ് ഡോട്ട് ഡിസൈൻ അവാർഡ് ലഭിച്ചു. ഈ വിവരങ്ങൾ അദേഹത്തിന്‍റെ ലിങ്ക്ഡ്ഇൻ പ്രൊഫൈലിലും രേഖപ്പെടുത്തിയിട്ടുണ്ട്.
യുകെയിലെ പ്രശസ്തമായ കമ്പനികളായ കേംബ്രിഡ്‍ജ് കൺസൾട്ടന്‍റ്‌സ്, കർവെന്‍റ എന്നിവിടങ്ങളിൽ ഇന്‍റേൺഷിപ്പുകളോടെയാണ് അബിദുർ ചൗധരി തന്‍റെ കരിയർ ആരംഭിച്ചത്. അതിനുശേഷം, ലണ്ടൻ ആസ്ഥാനമായുള്ള ലെയർ ഡിസൈനിൽ പ്രൊഫഷണൽ ഡിസൈനറായും അബിദുർ ജോലി ചെയ്‌തു.
2018-നും 2019-നും ഇടയിൽ സ്വന്തമായി ഒരു ഡിസൈൻ കൺസൾട്ടൻസി ആരംഭിച്ചു. ഈ സമയത്ത് നിരവധി നൂതന ബ്രാൻഡുകൾ, ഡിസൈൻ സ്റ്റുഡിയോകൾ, സ്റ്റാർട്ടപ്പുകൾ തുടങ്ങിയവയുമായി ചേര്‍ന്ന് പ്രവർത്തിച്ചു.
അവിടെ അദേഹം ഉൽപ്പന്നങ്ങൾ രൂപകൽപ്പന ചെയ്യുക മാത്രമല്ല, ഉപയോക്തൃ അനുഭവവും തന്ത്രപരമായ കാഴ്‌ചപ്പാടും നൽകി. 2019-ൽ ആപ്പിളിൽ ചേർന്നു 2019 ജനുവരിയിൽ അബിദുർ ചൗധരി ആപ്പിളിൽ ചേർന്നു.
ഇവിടെ അദേഹം കുപെർട്ടിനോയിലും കാലിഫോർണിയയിലും ഒരു ഇൻഡസ്ട്രിയൽ ഡിസൈനറായി ജോലി ആരംഭിച്ചു. ഈ സമയത്ത്, കമ്പനിക്കുവേണ്ടി ഏറ്റവും നൂതനമായ ഉൽപ്പന്നങ്ങളിലും അബിദുർ പ്രവർത്തിച്ചു.
അതിലൊന്നാണ് ഇപ്പോൾ പുറത്തിറങ്ങിയ ഐഫോൺ എയർ. ഇതിപ്പോൾ ലോകമെമ്പാടും ചർച്ച ചെയ്യപ്പെടുന്നു ഐഫോൺ എയറിന്‍റെ പ്രത്യേകത എന്താണ്? ചൊവ്വാഴ്ച നടന്ന ലോഞ്ച് ഇവന്‍റിലാണ്ൽ ആപ്പിൾ ഐഫോൺ എയർ മോഡൽ അവതരിപ്പിച്ചത്.
എയർ എന്ന പേരിൽ വരുന്ന ആദ്യത്തെ ഐഫോണാണിത്. ഇതിന്റെ കനം 5.6 എംഎം മാത്രമാണ്.
പക്ഷേ എന്നിട്ടും ഐഫോണ്‍ എയറിന് ശക്തമായ എ19 പ്രോ ചിപ്പ് നല്‍കിയിരിക്കുന്നു. ഫോണിന് 6.5 ഇഞ്ച് ഒഎല്‍ഇഡി ഡിസ്‌പ്ലേയാണുള്ളത്, ഇത് 120 ഹെര്‍ട്‌സ് പ്രോമോഷനെ പിന്തുണയ്ക്കുന്നു.
അതായത്, എപ്പോഴും ഓൺ-ഡിസ്‌പ്ലേ ഇതിൽ വളരെ നന്നായി പ്രവർത്തിക്കും. ഈ ഫോണിന്‍റെ രൂപകൽപ്പന ഇതിനെ വളരെ സവിശേഷമാക്കുന്നു.
ഐഫോണ്‍ എയറിന് 48 എംപി ഫ്യൂഷൻ ക്യാമറയും ഉണ്ട്. മുൻവശത്ത് 18 എംപി സെൽഫി ക്യാമറയാണ് നല്‍കിയിരിക്കുന്നത്.
ഐഫോണ്‍ എയറിന്‍റെ പ്രാരംഭ വില ഇന്ത്യയില്‍ 1,19,990 രൂപയാണ് ( 256 ജിബി). …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
