മലപ്പുറം: മലപ്പുറം പരപ്പനങ്ങാടിയില്‍ പുഴയിൽ ഒഴുക്കില്‍പ്പെട്ട് കാണാതായ പതിനേഴുകാരന്റെ മൃതദേഹം കടലില്‍ നിന്ന് കണ്ടെത്തി. താനൂര്‍ എടക്കടപ്പുറം സ്വദേശി ജുറൈജിൻ്റെ മൃതദേഹം തൃശ്ശൂര്‍ അഴീക്കോട് കടപ്പുറത്ത് നിന്നാണ് കണ്ടെത്തിയത്.
ജുറൈജിനായി ന്യൂകട്ട് ഭാഗത്ത് തെരച്ചിൽ നടത്തുന്നതിനിടെയാണ് കടപ്പുറത്ത് നിന്ന് മൃതദേഹം ലഭിച്ചത്. ബന്ധുക്കൾ കൊടുങ്ങല്ലൂര്‍ ആശുപത്രിയിലെത്തി മൃതദേഹം ജുറൈജിന്റേത് എന്ന് സ്ഥിരീകരിച്ചു.
പോസ്റ്റുമോര്‍ട്ടം നടപടികൾക്കായി തൃശ്ശൂര്‍ മെഡിക്കൽ കോളേജിലേക്ക് കൊണ്ടുപോയി. ബുധനാഴ്ചയാണ് കൂട്ടുകാര്‍ക്കൊപ്പം കുളിക്കാനെത്തിയ ജുറൈജ് ഒഴുക്കിൽപ്പെട്ടത്.
പിന്നാലെ ഫയര്‍ഫോഴ്സ്, എൻഡിആർഎഫ് മറ്റ് സന്നദ്ധ സേനകൾ എന്നിവരുടെ നേതൃത്വത്തിൽ തെരച്ചിൽ തുടങ്ങിയിരുന്നു. നാല് ദിവസം തെരഞ്ഞിട്ടും ജുറൈജിനെ കണ്ടെത്താൻ കഴിയാതെ വന്നതോടെ, നേവിയുടെ സേവനവും ജില്ലാ ഭരണകൂടം തേടിയിരുന്നു.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
