രാജസ്ഥാനിൽ കോൺഗ്രസ് സർക്കാർ നടത്തിയ ജനകീയ പ്രവർത്തനങ്ങൾ ചൂണ്ടിക്കാട്ടിയാണ് പാർട്ടി വോട്ട് തേടുന്നതെന്ന് ജയറാം രമേശ്. ബിജെപിയുടെ ധ്രുവീകരണ-ഇഡി-സിബിഐ രാഷ്ട്രീയം ജനങ്ങൾ തള്ളിക്കളയും.
പ്രധാനമന്ത്രി സർക്കാരിനെതിരെ ആരോപണങ്ങൾ ഉന്നയിക്കുന്നത് ഭയം മൂലമാണെന്നും കോൺഗ്രസ് ജനറൽ സെക്രട്ടറി ആരോപിച്ചു. ധ്രുവീകരണവും, ഇഡി-സിബിഐ രാഷ്ട്രീയ ദുരുപയോഗവുമാണ് ബിജെപിയുടെ ഏക തന്ത്രം.
ഇതല്ലാതെ മറ്റൊരു തന്ത്രവും ബിജെപിക്ക് ഇല്ലെന്നും അദ്ദേഹം ആരോപിച്ചു. പ്രധാനമന്ത്രി നരേന്ദ്ര മോദി ഭയന്നിരിക്കുകയാണ്.
അതുകൊണ്ടാണ് സംസ്ഥാന സർക്കാരിനെതിരെ ആരോപണങ്ങൾ ഉയരുന്നത്. മോദിയുടെ ആരോപണങ്ങൾ തീർത്തും അടിസ്ഥാനരഹിതമാണെന്നും അദ്ദേഹം പറഞ്ഞു.
“കഴിഞ്ഞ അഞ്ച് വർഷത്തിനുള്ളിൽ രാജസ്ഥാൻ ഒരു മാതൃകാ സംസ്ഥാനമായി മാറി, അതിൽ പ്രധാനമന്ത്രി ഭയപ്പെടുകയും വിഷമിക്കുകയും ചെയ്യുന്നു. പ്രശ്നങ്ങളൊന്നുമില്ലാത്തതിനാൽ കാരണങ്ങൾ കണ്ടെത്താൻ പ്രധാനമന്ത്രി ഇഡിയെയും സിബിഐയെയും അയച്ചു.
പ്രധാനമന്ത്രിയും കൂട്ടാളികളും ആവർത്തിച്ച് സംസാരിക്കുന്നത് ധ്രുവീകരണത്തിന്റെ ഭാഷയാണ്”- രമേശ് പറഞ്ഞു. നേരത്തെ കോൺഗ്രസ് സർക്കാർ തീവ്രവാദികളോട് അനുഭാവം പുലർത്തുന്നുവെന്ന് ഉദയ്പൂരിൽ നടന്ന പൊതുയോഗത്തിൽ നരേന്ദ്ര മോദി ആരോപിച്ചിരുന്നു.
Story Highlights: People In Rajasthan Will Reject Politics Of ED, CBI: Jairam Ramesh
ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
