രണ്ട് ഭാഗത്തേക്കും ഗതാഗതം അനുവദിക്കും, മൂന്നാം റീച്ച് ആൽത്തറ – തൈക്കാട് റോഡ് നാളെ തുറക്കുന്നു

തിരുവനന്തപുരം: സ്മാർട്ട്സിറ്റി പദ്ധതിയിൽ ഉൾപ്പെടുത്തി വികസിപ്പിക്കുന്ന ആൽത്തറ – തൈക്കാട് റോഡിന്റെ മൂന്നാം റീച്ച് വെള്ളിയാഴ്ച ഗതാഗതത്തിന് തുറന്ന് നൽകും. നോർക്ക മുതൽ വനിതാ കോളേജ് വരെയുള്ള റോഡാണ് രാവിലെ 9.30 ഓടെ തുറന്നു നൽകുക.

ഇവിടെ ഇരുഭാഗത്തേക്കും ഉള്ള ഗതാഗതം അനുവദിക്കും. ഈ റീച്ചിൽ റോഡ് ഫോർമേഷൻ പ്രവൃത്തികൾ പൂർത്തിയാക്കി റോഡ് ഒന്നാംഘട്ടം ടാറിംഗ് പൂർത്തിയാക്കിയിരുന്നു.

ഡക്റ്റിന്റെ പ്രവൃത്തികൾ പൂർത്തീകരിച്ച് കേബിളുകൾ കടത്തിവിട്ടാണ് റോഡ് ഫോമേഷനിലേക്ക് കടന്നത്. ഈ റോഡിൽ ആൽത്തറ മുതൽ ഫോറസ്റ്റ് സ്റ്റേഷൻ വരെയും വനിതാ കോളേജ് വരെയുമുള്ള രണ്ടു റീച്ചുകൾ നേരത്തെ ഗതാഗതത്തിന് തുറന്നുനൽകിയിരുന്നു.  അട്ടക്കുളങ്ങര – കിള്ളിപ്പാലം റോഡ്, ജനറൽ ആശുപത്രി – വഞ്ചിയൂർ റോഡ് , തൈക്കാട് ഹൗസ് – കീഴെ തമ്പാനൂർ ( എംജി രാധാകൃഷ്ണൻ റോഡ് ) എന്നീ റോഡുകളും വരുംദിവസങ്ങളിൽ ഗതാഗതത്തിന് തുറന്നു കൊടുക്കാൻ ആകുമെന്ന് കെ.ആർ.എഫ്.ബി അധികൃതർ അറിയിച്ചു.

നേരത്തെ 2 റോഡുകൾ പൂർണമായും സ്മാർട്ട് ആക്കി മാറ്റുകയും 4 റോഡുകൾ ആദ്യഘട്ട ടാറിംഗ് നടത്തി ഗതാഗതത്തിന് തുറന്ന് നൽകുകയും ചെയ്തിരുന്നു.

ഇതിന് പുറമെ 25 റോഡുകളിലും  നവീകരണം സാധ്യമാക്കി. സ്മാർട്ട് സിറ്റി പദ്ധതിയിൽ ആദ്യകരാറുകാരൻ ഉപേക്ഷിച്ചതിനെ തുടർന്ന് നിലച്ചിരുന്ന റോഡ് പ്രവൃത്തി പൊതുമരാമത്ത് മന്ത്രി പി എ മുഹമ്മദ് റിയാസിൻ്റെ ഇടപെടലിനെ തുടർന്ന് റീ ടെണ്ടർ നടത്തി പുനരാരംഭിക്കുക ആയിരുന്നു.

ഓരോ റോഡിനും പ്രത്യേകം പ്രത്യേകം കരാർ നൽകിയാണ് പ്രവൃത്തി പുനരാരംഭിച്ചത്. ആന്റി ഡീഫെയ്സ്മെന്റ് സ്‌ക്വാഡ് നീക്കിയത് 4.49 ലക്ഷം പ്രചാരണ സാമഗ്രികൾ; പെരുമാറ്റച്ചട്ട

ലംഘന നിരീക്ഷണം ശക്തം ഏഷ്യാനെറ്റ് ന്യൂസ് വാർത്തകൾ തത്സമയം കാണാം Last Updated Apr 11, 2024, 7:38 PM IST …