തൃശൂർ: കാട്ടാന ആക്രമണത്തിൽ വനം വാച്ചർ കൊല്ലപ്പെട്ടു. കൊല്ലതിരുമേട് ഫോറസ്റ്റ് സ്റ്റേഷനിലെ വനം വാച്ചർ പെരിങ്ങൽകുത്ത് ആദിവാസി ഊരിലെ ഇരുമ്പൻ കുമാരനാണ് ( 58) മരിച്ചത്. ഇന്നലെ വൈകിട്ട് 4 മണിയോടെ വാഴച്ചാൽ റേഞ്ചിലെ പച്ചിലവളം ഒപി കെട്ടിടത്തിന് സമീപത്തു വച്ചാണ് ഇയാളെ കാട്ടാന ആക്രമിച്ചത്. ഇഞ്ചി ശേഖരിക്കാൻ പോയപ്പോഴായിരുന്നു സംഭവം.
ഇയാളുടെ കൂടെയുണ്ടായിരുന്ന സുനിൽ, പ്രേംജിത്ത്, പ്രസാദ് എന്നിവർ ആനയുടെ ആക്രമണത്തിൽ നിന്നും തലനാരിഴയ്ക്ക് രക്ഷപ്പെടുകയായിരുന്നു. 8 വർഷം മുമ്പ് കുമാരന് കരടിയുടെ കടിയേറ്റ് കാലിന് പരിക്കേറ്റിരുന്നു. അതിനാൽ ആന ആക്രമിക്കാൻ വന്നപ്പോൾ ഓടി രക്ഷപ്പെടാൻ സാധിച്ചില്ലെന്നാണ് കൂടെയുണ്ടായിരുന്നവർ പറഞ്ഞത്
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
