മുസിരിസ് പ്രവാസി ഫോറം ജിദ്ദ വിന്റർ കാർണിവൽ ശ്രദ്ധേയമായി

ജിദ്ദ- മുസിരിസ് പ്രവാസി ഫോറം ജിദ്ദ ക്രിസ്മസ്, പുതുവത്സര ആഘോഷത്തോടനുബന്ധിച്ച് ഹറാസാത്ത് വില്ലയിൽ നടത്തിയ വിന്റർ കാർണിവൽ പുതുമ കൊണ്ട് ശ്രദ്ധേയമായി. ജിദ്ദയിലെ കൊടുങ്ങല്ലൂരിലും പരിസര പ്രദേശങ്ങളിലുമുള്ളവരുടെ കൂട്ടായ്മയാണ് മുസിരിസ് പ്രവാസി ഫോറം. 

കൊടുങ്ങല്ലൂരിന്റെ പുരാതന നാമമാണ് മുസിരിസ്. പരിപാടിയോടനുബന്ധിച്ച് കുട്ടികളുടെയും കുടുംബിനികളുടെയും പ്രതീകാത്മക ഘോഷയാത്ര, ഉറിയടി, വടംവലി, ക്രിക്കറ്റ്, ഫുട്‌ബോൾ തുടങ്ങിയ വിവിധ കായിക വിനോദങ്ങളും ഫണ്ണി ഗെയിംസുകളും അരങ്ങേറി. കോമ്പൗണ്ടിൽ പ്രത്യേകം സജ്ജമാക്കിയ മുസിരിസ് തട്ടുകടയിൽ നിന്നുള്ള ചായയും പലഹാരങ്ങളും അവിടെ വെച്ചു തയാറാക്കിയ രാത്രിയിലെ ഭക്ഷണവും അംഗങ്ങൾക്ക് പ്രത്യേക അനുഭവമായിരുന്നു. 

വിവിധ മത്സരങ്ങളിൽ സുമിത അസീസ്, ഷജീറ ജലീൽ, തുഷാര ഷിഹാബ്, ആമിന അസീസ്, സബിത ഇസ്മായിൽ ഷേസ തമന്ന, ഇസ്സ മെഹ്‌റിൻ, ഫിസ ഫാത്തിമ, നോയ നവാസ്, നബീൽ നവാസ്, ഇസ്മാ സുബിൽ, ഇൻഷാ സുബിൽ, സാജിത് സാബിർ, സഗീർ പുതിയകാവ്, ഗഫൂർ കാട്ടൂർ, റഫീഖ് വടമ, സജിത്ത് മതിലകം എന്നിവർ വിജയികളായി.

തുടർന്ന് മുസിരിസ് അംഗങ്ങൾ ഒരുക്കിയ ഗാനസന്ധ്യയിൽ സഗീർ പുതിയകാവ്, ഇസ്മായിൽ എടപ്പുള്ളി, സഗീർ മാടവന, സന്തോഷ്, ഷിനോജ്, റഫീഖ്, സജിത്ത്, അബ്ദുൽ സലാം, അൻഷിദ്, ബിന്ദു ഉദയൻ, തുഷാര ഷിഹാബ്, റെയ്ഹാൻ, ഇസ്സ മെഹ്‌റിൻ, നഫ്രിൻ സഗീർ തുടങ്ങിയവർ ഗാനങ്ങളാലപിച്ചു. വൈകീട്ട് മൂന്നു മണിക്ക് തുടങ്ങിയ പരിപാടി രാത്രി രണ്ടു മണിയോടെ അവസാനിച്ചു. 

പ്രസിഡന്റ് അബ്ദുൽസലാം, സെക്രട്ടറി സഫറുല്ല, വൈസ് പ്രസിഡന്റ് ഷിഹാബ് അയ്യാരിൽ, മുഖ്യ രക്ഷധികാരി സഗീർ മാടവന, രക്ഷധികാരി ഹനീഫ് ചെളിങ്ങാട്, കൾച്ചറൽ സെക്രട്ടറി ഉദയൻ വലപ്പാട് എന്നിവർ സംസാരിച്ചു. അനീസ് അഴീക്കോട്, മുഹമ്മദ് സാലി, സഹീർ വലപ്പാട്, സാബു, സാബിർ, റഷീദ് പതിയാശ്ശേരി, സുബിൽ, സുബിൻ, സുമിത അസീസ്, ബിന്ദു ഉദയൻ, തുഷാര ഷിഹാബ്, ഷജീറ ജലീൽ, ജസീന സാബു, ഷിഫാ സുബിൽ എന്നിവർ നേതൃത്വം നൽകി.