‘ഇങ്ങനെയൊക്കെയാണ് കാര്യങ്ങൾ’; യോ​ഗി ആദിത്യനാഥിന് പരാതി നൽകി യുപി വ്യവസായ മന്ത്രി

ലഖ്നൗ: വകുപ്പിലെ ഉദ്യോഗസ്ഥർ തന്നെ പരി​ഗണിക്കുന്നില്ലെന്ന പരാതിയുമായി ഉത്തർപ്രദേശ് മന്ത്രി മുഖ്യമന്ത്രി യോഗി ആദിത്യനാഥിന് കത്തെഴുതി. വ്യവസായമന്ത്രിയായ നന്ദ് ഗോപാൽ നന്ദിയാണ് ഉദ്യോ​ഗസ്ഥരുടെ അവ​ഗണനയെക്കുറിച്ച് തുറന്നെഴുതിയത്.

ഉദ്യോഗസ്ഥർ തന്റെ നിർദ്ദേശങ്ങൾ പാലിക്കുന്നില്ലെന്നും അവരുടെ പരിചയക്കാർക്കും സ്വന്തക്കാർക്കും അനർഹമായ ആനുകൂല്യങ്ങൾ നൽകുന്നുണ്ടെന്നും മന്ത്രി ആരോപിച്ചു. ഉദ്യോ​ഗസ്ഥരുടെ പ്രവർത്തനം ഏകപക്ഷീയമാണെന്നും മന്ത്രി ആരോപിച്ചു.

എല്ലാ നിയമങ്ങളും ലംഘിച്ച്, ഉദ്യോഗസ്ഥർ സ്വന്തം തലത്തിൽ തീരുമാനങ്ങൾ എടുക്കുന്നു.  ചുമതലയുള്ള മന്ത്രിയെ പരാമർശിക്കാതെ അവർ ഫയലുകൾ വിളിക്കുകയും തീരുമാനങ്ങൾ എടുക്കുകയും ചെയ്യുന്നുവെന്നും അദ്ദേഹം പറഞ്ഞു. ജോലിയിൽ തടസ്സങ്ങൾ സൃഷ്ടിക്കുന്ന ഉദ്യോഗസ്ഥരുടെ നടപടികളെക്കുറിച്ചും മന്ത്രി ആരോപിച്ചു.

സാധാരണഗതിയിൽ നീങ്ങേണ്ട ഫയലുകളിൽ അവർ മനഃപൂർവ്വം വൈകിക്കുകയും അടുപ്പമുള്ളവർക്ക് പ്രയോജനപ്പെടുന്ന മറ്റ് ചില ഫയലുകൾക്ക് പച്ചക്കൊടി കാണിക്കുകയും ചെയ്യുന്നു.

ഇതുവഴി ആളുകൾക്ക് അനാവശ്യ ആനുകൂല്യങ്ങൾ ലഭിക്കുന്നുണ്ടെന്നും മന്ത്രി ആരോപിച്ചു. യോഗി ആദിത്യനാഥിന്റെ നേതൃത്വത്തിലുള്ള സർക്കാരിൽ മന്ത്രിമാരിൽ നിന്നുള്ള ഇത്തരം പരാതികൾ പുതിയതല്ല.

ദളിത് നേതാവായ ദിനേശ് ഖാതിക്, ഉദ്യോഗസ്ഥർ തന്റെ വാക്കുകൾ ശ്രദ്ധിക്കുന്നില്ലെന്നും തന്റെ മണ്ഡലത്തിലെ കാര്യങ്ങൾ തന്നെ അറിയിക്കുന്നില്ലെന്നും ഒന്നിലധികം തവണ ആരോപിച്ചിട്ടുണ്ട്.  പ്രയാഗ്‌രാജിൽ നിന്നുള്ള എംഎൽഎയായ നന്ദി, മന്ത്രാലയത്തിലെ ഉദ്യോഗസ്ഥർ ഫയലുകൾ മുക്കുന്നതായും ആരോപിച്ചു. ചില കേസുകളിൽ അന്വേഷണം ആവശ്യപ്പെട്ടെങ്കിലും റിപ്പോർട്ട് ലഭിച്ചില്ലെന്നും ആരോപിച്ചു.

താൻ ആവശ്യപ്പെട്ട ചില ഫയലുകൾ തനിക്ക് നൽകാത്തതിന്റെ കാരണങ്ങൾ ചോദിച്ചപ്പോൾ, മുതിർന്ന ഉദ്യോഗസ്ഥർ അത് തടഞ്ഞുവെന്ന് അദ്ദേഹത്തോട് പറഞ്ഞു.

മന്ത്രിയുടെ ആരോപണങ്ങൾക്ക് മറുപടി നൽകാൻ നന്ദിയുടെ മന്ത്രാലയത്തിലെ ഉദ്യോഗസ്ഥർ തയ്യാറായിക്കൊണ്ടിരിക്കുകയാണെന്ന് വൃത്തങ്ങൾ അറിയിച്ചു. സംസ്ഥാന സർക്കാരിൽ മന്ത്രിമാരും ഉദ്യോഗസ്ഥരും തമ്മിൽ തർക്കം നിലനിൽക്കുന്നതായി സൂചനകളുണ്ട്.

…