‘ഇടിമുഴക്കത്തിന്റെ ശബ്ദം പോലെ’; ബിജെപി നേതാവ് മനോരഞ്ജൻ കാലിയയുടെ വീടിനു പുറത്ത് സ്ഫോടനം

‘ഇടിമുഴക്കത്തിന്റെ ശബ്ദം പോലെ’; ബിജെപി നേതാവ് മനോരഞ്ജൻ കാലിയയുടെ വീടിനു പുറത്ത് സ്ഫോടനം ചണ്ഡീഗഡ് ∙ പഞ്ചാബിലെ ജലന്ധറിൽ ബിജെപി നേതാവ് മനോരഞ്ജൻ കാലിയയുടെ വീടിനു പുറത്ത് സ്‌ഫോടനം. സിസിടിവി ദൃശ്യങ്ങൾ പരിശോധിച്ച്, നടന്നതു ഗ്രനേഡ് ആക്രമണമാണോ അതോ മറ്റെന്തെങ്കിലുമാണോ എന്ന് അന്വേഷിക്കുകയാണെന്ന് പൊലീസ് പറഞ്ഞു.

പുലർച്ചെ ഒരു മണിയോടെ സ്ഫോടന വിവരം ലഭിച്ച ഉടൻ തന്നെ സ്ഥലത്തെത്തി അന്വേഷണം ആരംഭിച്ചതായി പൊലീസ് ഉദ്യോഗസ്ഥർ പറഞ്ഞു.  ഫൊറൻസിക് സംഘവും പ്രദേശത്ത് എത്തിയിട്ടുണ്ട്.  ഫൊറൻസിക് സംഘത്തിന്റെ റിപ്പോർട്ടിനായി കാത്തിരിക്കുകയാണെന്ന് ജലന്ധർ പൊലീസ് കമ്മിഷണർ ധൻപ്രീത് കൗർ പറഞ്ഞു. രാത്രിയിൽ ഉറങ്ങുന്ന സമയത്താണ് സ്ഫോടനമുണ്ടായതെന്ന് മനോരഞ്ജൻ കാലിയ പറഞ്ഞു.

ഇടിമുഴക്കത്തിന്റെ ശബ്ദം പോലെ കേട്ടതായി തോന്നിയെങ്കിലും പിന്നീടാണ് സ്ഫോടനമാണുണ്ടായതെന്ന് അറിഞ്ഞതെന്നും അദ്ദേഹം പറഞ്ഞു.

…