റിയാദ്: സുരക്ഷാ മുൻകരുതലിന്റെ ഭാഗമായി ചൊവ്വാഴ്ച രാവിലെ അടച്ചിട്ടിരുന്ന കിംഗ് ഫഹദ് കോസ്വേ ഉച്ചയോടെ വീണ്ടും തുറന്നു. മേഖലയിലെ അതീവ ജാഗ്രതാ നിർദ്ദേശത്തെ തുടർന്ന് താൽക്കാലികമായി നിർത്തിവെച്ച ഗതാഗതം, സുരക്ഷാ പരിശോധനകൾ പൂർത്തിയാക്കിയ ശേഷമാണ് പുനരാരംഭിച്ചത്.
വാഹനങ്ങളുടെ തിരക്ക് നിയന്ത്രണവിധേയമായതായും കോസ്വേ വഴിയുള്ള ഗതാഗതം സാധാരണ നിലയിലായതായും കിംഗ് ഫഹദ് കോസ്വേ ജനറൽ അതോറിറ്റി ഔദ്യോഗികമായി സ്ഥിരീകരിച്ചു. മേഖലയിലെ സംഘർഷാവസ്ഥ കണക്കിലെടുത്ത് നടത്തിയ കർശനമായ സുരക്ഷാ വിലയിരുത്തലുകൾക്ക് ശേഷമാണ് പാത തുറന്നുകൊടുക്കാൻ അധികൃതർ തീരുമാനിച്ചത്.
സൗദി അറേബ്യയെയും ബഹ്റൈനെയും ബന്ധിപ്പിക്കുന്ന 25 കിലോമീറ്റർ ദൈർഘ്യമുള്ള ഈ പാലം ഇരു രാജ്യങ്ങൾക്കുമിടയിലുള്ള പ്രധാന കരമാർഗ്ഗമാണ്. രാവിലെ പാത അടച്ചതിനെ തുടർന്ന് കിലോമീറ്ററുകളോളം വാഹനങ്ങളുടെ നീണ്ട
നിര ദൃശ്യമായിരുന്നു. പാലം തുറന്നതോടെ യാത്രക്കാരും ചരക്കുനീക്കവും സുഗമമായിട്ടുണ്ട്.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
