10.5 കോടി രൂപ പ്രാരംഭ വിലയിൽ ഫെരാരി പുരോസാങ്ഗ് എസ്‌യുവി അവതരിപ്പിച്ചു. ഇന്ത്യയിൽ അവതരിപ്പിക്കുന്ന കമ്പനിയുടെ ആദ്യ എസ്‌യുവിയാണിത്. ഫെരാരി പുരോസാങ്ഗ് എസ്‌യുവിയുടെ ആദ്യ ഡെലിവറി ഇതിനകം തന്നെ ബെംഗളൂരുവിൽ നടന്നു. എസ്‌യുവിയുടെ ബുക്കിംഗ് അവസാനിപ്പിച്ചു. ഇത് 2026-ൽ വീണ്ടും തുറക്കുമെന്നുമാണ് റിപ്പോര്‍ട്ടുകൾ. ബുക്കിംഗ് ആരംഭിക്കുമ്പോൾ, വില 20 ശതമാനം വരെ ഉയരുമെന്നും പ്രതീക്ഷിക്കുന്നു.
6.5 ലിറ്റർ V12 എഞ്ചിനാണ്, അത് വളരെ ശക്തമാണ് ഫെരാരി പുരോസാങ്ഗ് എസ്‌യുവിക്ക് കരുത്തേകുന്നത് . ഈ എഞ്ചിൻ പരമാവധി 725hp കരുത്തും 716Nm ആണ് പരമാവധി ടോർക്കും ഉത്പാദിപ്പിക്കുന്നത്. ആക്സിലറേഷൻ്റെ കാര്യത്തിൽ, എസ്‌യുവിക്ക് പൂജ്യത്തിൽ നിന്നും 100 കിലോമീറ്റർ വേഗതയിൽ 3.3 സെക്കൻഡിനുള്ളിൽ പോകാനാകും.
ഡ്യൂവൽ ക്ലച്ച് എട്ട് സ്പീഡ് ഓട്ടോമാറ്റിക് ട്രാൻസ്മിഷനാണ് എസ്‌യുവിയിൽ നൽകിയിരിക്കുന്നത്. ഒരു ഓൾ-വീൽ ഡ്രൈവ് സിസ്റ്റം ലഭിക്കുന്നു. ഇത് എസ്‌യുവിയെ ഏറ്റവും ശക്തമായ എസ്‌യുവിയാക്കി മാറ്റുന്നു. ഫെരാരി ഒന്നിലധികം പവർട്രെയിനുകൾ വാഗ്ദാനം ചെയ്യുന്നുണ്ടെങ്കിലും, പുറോസാങ്ഗ് ആധുനിക ഹൈബ്രിഡ് സാങ്കേതികവിദ്യയോ ട്വിൻ-ടർബോചാർജ്ഡ് വി8യോ ഉപയോഗിക്കുന്നില്ല. ലംബോർഗിനി, ആസ്റ്റൺ മാർട്ടിൻ, മെഴ്‌സിഡസ്, ബിഎംഡബ്ല്യു മുതലായവയിൽ നിന്നുള്ള ഒന്നിലധികം സൂപ്പർ എസ്‌യുവികളിൽ ഇത് കാണപ്പെടുന്നു.
പ്രായോഗികതയും ഗ്രൗണ്ട് ക്ലിയറൻസും വാഗ്ദാനം ചെയ്യുന്നതിനാൽ എസ്‌യുവിയുടെ ഡിസൈൻ വാങ്ങുന്നവർക്ക് സൗകര്യം പ്രദാനം ചെയ്യുന്നു. എസ്‌യുവിയുടെ ബോഡി സ്റ്റൈൽ ക്രോസ്ഓവർ ആണ്. ഹാർഡ്‌കോർ എസ്‌യുവിയുടേതല്ല. സൂപ്പർ എസ്‌യുവിയിൽ ഷാർപ്പായ ബോണറ്റ്, ബമ്പറിൽ ഘടിപ്പിച്ച എൽഇഡി ഹെഡ്‌ലൈറ്റുകൾ, സ്പ്ലിറ്റ് ഡിആർഎല്ലുകൾ, ഫെരാരി ലോഗോയുള്ള വലിയ ഗ്രിൽ, സ്ലീക്ക് എൽഇഡി ടെയിൽലാമ്പുകൾ തുടങ്ങിയവ വാഗ്ദാനം ചെയ്യുന്നു.
പെയിൻ്റ് ചെയ്ത ബ്രേക്ക് കാലിപ്പറുകൾ, ഇൻ്റീരിയറിൽ കോൺട്രാസ്റ്റ് സ്റ്റിച്ചിംഗ്, നവീകരിച്ച വീലുകൾ, സസ്പെൻഷൻ ലിഫ്റ്റ് ഫംഗ്ഷൻ തുടങ്ങിയ സൗന്ദര്യവർദ്ധക സവിശേഷതകൾ സൂപ്പർ എസ്‌യുവി വാഗ്ദാനം ചെയ്യുന്നു. ഒരു ഗ്ലാസ് റൂഫ്, പാഡിൽ ഷിഫ്റ്ററുകൾ, 10.25-ഇഞ്ച് ഇൻഫോടെയ്ൻമെൻ്റ് പാനൽ, സുരക്ഷയ്ക്കായി ഒന്നിലധികം എയർ ബാഗുകൾ എന്നിവയും ലഭിക്കുന്നു. നിറങ്ങളുടെ കാര്യത്തിൽ, എട്ട് സ്റ്റാൻഡേർഡ് കളർ ഓപ്ഷനുകൾ ലഭിക്കും, കറുപ്പ്, നീല, മഞ്ഞ, വെള്ള, ചാര, ഒന്നിലധികം ചുവപ്പ് വേരിയൻ്റുകൾ എന്നിവ ഉൾപ്പെടുന്നു.
Last Updated Mar 6, 2024, 9:48 PM IST
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
