കോട്ടയം ജില്ലയിലെ പത്താംക്ലാസ് പാസാകാത്ത തൊഴിലുറപ്പു തൊഴിലാളികള്‍ക്ക് സൗജന്യ പഠനത്തിന് അവസരമൊരുക്കി ജില്ലാ സാക്ഷരതാമിഷൻ
സ്വന്തം ലേഖകൻ
കോട്ടയം: ജില്ലയിലെ പത്താംക്ലാസ് പാസാകാത്ത തൊഴിലുറപ്പു തൊഴിലാളികള്‍ക്ക് സൗജന്യ പഠനത്തിന് അവസരമൊരുക്കി ജില്ലാ സാക്ഷരതാമിഷൻ പ്രത്യേക പദ്ധതി നടപ്പാക്കുന്നു.
ഗ്രാമപഞ്ചായത്തുകളുമായി ചേർന്ന് വാർഷിക പദ്ധതിയില്‍ ഉള്‍പ്പെടുത്തിയാണ് തൊഴിലുറപ്പ് തൊഴിലാളികള്‍ക്കായി പഠനപദ്ധതി നടപ്പാക്കുന്നത്. തദ്ദേശസ്വയംഭരണ സ്ഥാപനങ്ങളിലെ പത്താംതരം പാസാകാത്ത തൊഴിലുറപ്പ് തൊഴിലാളികള്‍ക്ക് പദ്ധതിയുടെ ഭാഗമായി തുടർപഠനം നടത്താം.
തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
| |
സാക്ഷരതാ മിഷന്റെ പത്താംതരം തുല്യതാ കോഴ്സില്‍ ചേർത്താണ് തുടർപഠനത്തിന് അവസരം ഒരുക്കുക. ഗ്രാമപഞ്ചായത്തുകളില്‍ തൊഴിലുറപ്പ് മേറ്റുമാരും സാക്ഷരതാ പ്രേരക്മാരും ചേർന്ന് സംഘടിപ്പിക്കുന്ന സർവേയിലൂടെ പഠിതാക്കളെ കണ്ടെത്തും. മാർച്ച്‌ 31നകം പഠിതാക്കളുടെ രജിസ്ട്രേഷൻ പൂർത്തിയാക്കും. കുമരകം പഞ്ചായത്തിലെ പതിമൂന്നാം വാർഡില്‍ നടന്ന സർവേ പ്രവർത്തനങ്ങള്‍ ഗ്രാമപഞ്ചായത്ത് വൈസ് പ്രസിഡന്റ് വി.കെ. ജോഷി ഉദ്ഘാടനം ചെയ്തു.
കുമരകം ഗ്രാമപഞ്ചായത്തില്‍ പദ്ധതിക്കായി ഒരു ലക്ഷം രൂപ വകയിരുത്തിയതായി പ്രസിഡന്റ് ധന്യ സാബു അറിയിച്ചു. സാക്ഷരത മിഷൻ ജില്ലാ കോ-ഓർഡിനേറ്റർ പി.എം. അബ്ദുള്‍കരീം പദ്ധതി വിശദീകരിച്ചു. ചടങ്ങില്‍ ഗ്രാമപഞ്ചായത്തംഗങ്ങളായ ജോഫി ഫിലിപ്പ്, എസ്.പി. രശ്മികല, സാക്ഷരത മിഷൻ അസിസ്റ്റന്റ് കോർഡിനേറ്റർ ആർ. സിംല, പ്രേരക് ആർ. ഷൈലമ്മ, തൊഴിലുറപ്പ് മേറ്റ് കെ.ഡി. സുഭാഷിണി, എ.ഡി.എസ്. ഭാരവാഹികളായ സാലി ജോയി, ലത എന്നിവർ പങ്കെടുത്തു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
