രഹസ്യ വിവരം ലഭിച്ചതോടെ ബസ് ഡ്രൈവറെ പിടിച്ചു; പോക്കറ്റിൽ വലിച്ച കഞ്ചാവിന്റെ ബാക്കി

.news-body p a {width: auto;float: none;}

കോഴിക്കോട്: കഞ്ചാവ് ഉപയോഗിച്ച് ബസ് ഓടിച്ച ഡ്രൈവർ പിടിയിൽ. പെരുമണ്ണ – കോഴിക്കോട് പാതയിൽ ഓടുന്ന പ്രൈവറ്റ് ബസ് ഡ്രൈവർ ഫൈജാസ് ആണ് പന്തീരാങ്കാവ് പൊലീസിന്റെ പിടിയിലായത്. രഹസ്യ വിവരത്തിന്റെ അടിസ്ഥാനത്തിലായിരുന്നു പരിശോധന. ഫൈജാസിന്റെ പോക്കറ്റിൽ നിന്ന് ഇയാൾ ഉപയോഗിച്ചതിന്റെ ബാക്കി കഞ്ചാവും പൊലീസ് കണ്ടെത്തി.

ഇന്ന് ഉച്ചയ്‌ക്കായിരുന്നു സംഭവം. പെരുമണ്ണ കോഴിക്കോട് റൂട്ടിൽ ഓടുന്ന KL57 J 1744 നമ്പർ റോഡ് കിംഗ് എന്ന സിറ്റി ബസിലെ ഡ്രൈവർ കഞ്ചാവ് ഉപയോഗിച്ചാണ് വാഹനം ഓടിക്കുന്നതെന്നാണ് പൊലീസിന് രഹസ്യ വിവരം ലഭിച്ചത്. തുടർന്ന് പന്തീരാങ്കാവ് എസ്‌ഐ സുഭാഷ് ചന്ദ്രന്റെ നേതൃത്വത്തിൽ പരിശോധന നടത്തുകയായിരുന്നു.

ബസിനെയും ഡ്രൈവറെയും പൊലീസ് കസ്റ്റഡിയിലെടുത്തിട്ടുണ്ട്. ഡ്രൈവറുടെ ലൈസൻസ് സസ്‌പെൻഡ് ചെയ്യുന്നതിനുള്ള നടപടികൾ സ്വീകരിക്കുമെന്ന് പൊലീസ് അറിയിച്ചു.