സംസ്ഥാനത്ത് ആംബുലൻസ് ഇല്ലാതെ 615 സർക്കാർ ആശുപത്രികൾ ; അറ്റകുറ്റപ്പണിക്കായി കയറ്റിയ ആംബുലൻസുകളിൽ പലതും തിരിച്ചിറക്കാൻ പണമില്ലാത്ത അവസ്ഥ ; ആംബുലൻസ് ഇല്ലാത്ത ആശുപത്രികൾ കൂടുതലുള്ളത് എറണാകുളത്ത് ; കോട്ടയം ജില്ലയിൽ 27 ആരോഗ്യ സ്ഥാപനങ്ങളിൽ ആംബുലൻസ് ഇല്ല
സ്വന്തം ലേഖകൻ
പ്രാഥമികാരോഗ്യ കേന്ദ്രം മുതൽ ജില്ലാ, ജനറൽ, താലൂക്ക് ആശുപത്രികൾ വരെ സംസ്ഥാനത്ത് 615 സർക്കാർ ആരോഗ്യ സ്ഥാപനങ്ങളിൽ ആംബുലൻസ് ഇല്ല. എറണാകുളം ജില്ലയിലാണ് ആംബുലൻസ് ഇല്ലാത്ത ആശുപത്രികൾ കൂടുതലുള്ളത്. ഇവിടെ 79 സ്ഥാപനങ്ങളിൽ ആംബുലൻസ് ഇല്ല.
പാലക്കാട്, തൃശൂർ ജില്ലകളിൽ 78 ആംബുലൻസുകളുടെ കുറവുണ്ട്. അറ്റകുറ്റപ്പണിക്കായി കയറ്റിയ ആംബുലൻസുകളിൽ പലതും തിരിച്ചിറക്കാൻ പണമില്ലാത്ത അവസ്ഥയുമുണ്ട്. ജില്ലാ, താലൂക്ക്, ജനറൽ ആശുപത്രികളിൽ ഉടൻ ആംബുലൻസ് വാങ്ങണമെന്ന് ആരോഗ്യ വകുപ്പ് ഡയറക്ടർ തയാറാക്കിയ റിപ്പോർട്ടിൽ പറയുന്നു.
തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
| |
കുടുംബ – സാമൂഹികാരോഗ്യ കേന്ദ്രങ്ങളിൽ ആംബുലൻസ് ഇപ്പോൾ വാങ്ങേണ്ടതില്ലെന്നു റിപ്പോർട്ടിലുണ്ട്. എന്നാൽ, ഒറ്റപ്പെട്ട സ്ഥലങ്ങളിൽ ആംബുലൻസ് സൗകര്യം ഏർപ്പെടുത്തണമെന്നും നിർദേശം ഉണ്ട്. ആംബുലൻസ് ഇല്ലാത്ത ആരോഗ്യ സ്ഥാപനങ്ങളുടെ കണക്ക് ജില്ല തിരിച്ച്: തിരുവനന്തപുരം – 21, കൊല്ലം – 31, പത്തനംതിട്ട – 20, ആലപ്പുഴ – 70, കോട്ടയം – 27, ഇടുക്കി – 21, എറണാകുളം – 79, തൃശൂർ, പാലക്കാട് – 78 വീതം, മലപ്പുറം – 40, കോഴിക്കോട് – 42, വയനാട് – 23, കണ്ണൂർ – 42, കാസർകോട് –43.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
