ഈ ഇലക്ട്രിക് സ്‍കൂട്ടർ ഡ്രൈവിംഗ് ലൈസൻസ് ഇല്ലാതെയും ഓടിക്കാം, വില 60,000 ൽ താഴെ

ഇന്ത്യൻ വിപണിയിൽ ഇലക്ട്രിക് സ്കൂട്ടറുകളുടെ ആവശ്യം അതിവേഗം വർദ്ധിച്ചുകൊണ്ടിരിക്കുകയാണ്. അതുകൊണ്ടുതന്നെ നിരവധി കമ്പനികൾ വിവിധ തരത്തിലുള്ള ഇലക്ട്രിക് സ്‍കൂട്ടറുകൾ ഇന്ത്യൻ വിപണിയിലേക്ക് അവതരിപ്പിക്കുന്നുണ്ട്.

ഇലകട്രിക് ടൂവീലർ ബ്രാൻഡായ സെലിയോ ഇ മൊബിലിറ്റി അവരുടെ ഈവ ഇലക്ട്രിക് സ്കൂട്ടറിന്റെ പുതിയ അപ്‌ഡേറ്റ് ചെയ്ത പതിപ്പ് അടുത്തിടെയാണ് പുറത്തിറക്കിയത്. ഈ അപ്‌ഡേറ്റോടെ, ഈ ഇലക്ട്രിക് സ്കൂട്ടറിന്റെ പ്രകടനം മുമ്പത്തേക്കാൾ മികച്ചതായി.

ഈ സ്‍കൂട്ടറിനെപ്പറ്റി അറിയാം. മൂന്ന് മോഡലുകളിൽ ആണ് ഈവ ഇലക്ട്രിക് സ്‍കൂട്ടർ പുറത്തിറക്കിയത്.

സ്‍കൂട്ടറിന്റെ ഏറ്റവും പ്രത്യേകത, അതിന്റെ പരമാവധി വേഗത മണിക്കൂറിൽ 25 കിലോമീറ്ററാണ് എന്നതാണ്. നിങ്ങൾ ഒരിക്കൽ ചാർജ് ചെയ്താൽ 120 കിലോമീറ്റർ വരെ ദൂരം സഞ്ചരിക്കാൻ കഴിയും.

മണിക്കൂറിൽ 40 കിലോമീറ്റർ വരെ വേഗതയുള്ള ഇലക്ട്രിക് സ്കൂട്ടറുകൾക്ക് ഡ്രൈവിംഗ് ലൈസൻസ് പോലും ആവശ്യമില്ല. ഈ സ്കൂട്ടർ ഓടിക്കാൻ നിങ്ങൾ ആഗ്രഹിക്കുന്നുവെങ്കിൽ, നിങ്ങൾക്ക് ഡ്രൈവിംഗ് ലൈസൻസ് ആവശ്യമില്ല, ആർ‌ടി‌ഒയിൽ രജിസ്റ്റർ ചെയ്യേണ്ടതുമില്ല.

വിലയെക്കുറിച്ച് പറയുകയാണെങ്കിൽ, ജെൽ ബാറ്ററി വേരിയന്റിന് 80 കിലോമീറ്റർ മൈലേജ് ഉള്ള 60V/32AH വേരിയന്റിന് 50,000 രൂപ മുതൽ ആരംഭിക്കുന്നു. 100 കിലോമീറ്റർ മൈലേജ് ഉള്ള 72V/42AH വേരിയന്റിന് ₹ 54,000 മുതൽ ആരംഭിക്കുന്നു.

90 മുതൽ 100 കിലോമീറ്റർ വരെ സഞ്ചരിക്കാൻ കഴിയുന്ന ലിഥിയം-അയൺ മോഡലിന്റെ 60V/30AH വേരിയന്റിന് 64,000 രൂപയും 120 കിലോമീറ്റർ വരെ സഞ്ചരിക്കാൻ കഴിയുന്ന 74V/32AH വേരിയന്റിന് 69,000 രൂപയും ആണ് വില. എല്ലാ വേരിയന്റുകളിലും മണിക്കൂറിൽ 25 കിലോമീറ്റർ വേഗത ലഭിക്കും, കൂടാതെ 60/72V BLDC മോട്ടോറും സജ്ജീകരിച്ചിരിക്കുന്നു.

ഇലക്ട്രിക് സ്കൂട്ടറിന് 150 എംഎം ഗ്രൗണ്ട് ക്ലിയറൻസും, മൊത്തം ഭാരം 85 കിലോഗ്രാം, 150 കിലോഗ്രാം കർബ് ഭാരവുമുണ്ട്. ബാറ്ററിയുടെ തരം അനുസരിച്ച് ചാർജിംഗ് സമയം വ്യത്യാസപ്പെടുന്നു, ലിഥിയം-അയൺ മോഡലിന് ഏകദേശം 4 മണിക്കൂർ എടുക്കും, ജെൽ വേരിയന്റിന് 8 മുതൽ 10 മണിക്കൂർ വരെ എടുക്കും.

ഇരുവശത്തും ഡ്രം ബ്രേക്കുകളും 12 ഇഞ്ച് വീലുകളിൽ 90/90 ടയറുകളും നൽകി സുരക്ഷ കൂടുതൽ മെച്ചപ്പെടുത്തിയിട്ടുണ്ട്. സ്മാർട്ട് സവിശേഷതകളെക്കുറിച്ച് പറയുകയാണെങ്കിൽ, ഇവാ 2025 ന് ഡിജിറ്റൽ ഡിസ്പ്ലേ, ഡേടൈം റണ്ണിംഗ് ലൈറ്റുകൾ (DRL), കീലെസ് ഡ്രൈവ്, ആന്റി-തെഫ്റ്റ് അലാറം, പാർക്കിംഗ് ഗിയർ, യുഎസ്ബി ചാർജിംഗ് പോർട്ട്, പാസഞ്ചർ ഫുട്‌റെസ്റ്റ് എന്നിവയുണ്ട്.

നീല, ചാര, വെള്ള, കറുപ്പ് എന്നീ നിറങ്ങളിൽ ഇവ ലഭ്യമാണ്. ഈ ഇലക്ട്രിക് സ്കൂട്ടറിന് രണ്ട് വർഷത്തെ വാറണ്ടിയും എല്ലാ ബാറ്ററി വേരിയന്റുകളിലും ഒരു വർഷത്തെ വാറണ്ടിയും കമ്പനി വാഗ്ദാനം ചെയ്യുന്നു.

…