അഞ്ചുദിന പെരുന്നാൾ ആഘോഷവുമായി മു​ശൈ​രി​ബ് ഡൗൺ ടൗൺ

ദോഹ: വൈവിധ്യമാർന്ന ആഘോഷങ്ങളോടെ പെരുന്നാളിനെ വരവേൽക്കാൻ ഖത്തറിലെ മു​ശൈ​രി​ബ് ഡൗൺടൗൺ. ബ​ലി​പെ​രു​ന്നാ​ൾ ദി​ന​മാ​യ ജൂ​ൺ ആ​റു മു​ത​ൽ 10 വ​രെ​യാ​യി അ​ഞ്ചു​ദി​വ​സ​ങ്ങ​ളി​ൽ വൈ​വി​ധ്യ​മാ​ർ​ന്ന ഈ​ദ് ആ​ഘോ​ഷ പ​രി​പാ​ടി​ക​ൾ ഒ​രു​ക്കി​യ​താ​യി മു​ശൈ​രി​ബ് പ്രോ​പ്പ​ർ​ട്ടീ​സ് അ​ധി​കൃ​ത​ർ അ​റി​യി​ച്ചു. തത്സമയ വിനോദ പരിപാടികൾ, സ്റ്റേജ് ഷോ, കു​ട്ടി​ക​ൾ​ക്ക് ആ​സ്വ​ദി​ക്കാ​വു​ന്ന ഒ​രു​പി​ടി വി​നോ​ദ​ങ്ങ​ൾ തുടങ്ങിയ പരിപാടികളാണ് മു​ശൈ​രി​ബിൽ ഒരുങ്ങുന്നത്. പെരുന്നാൾ ദിനമായ വെള്ളിയാഴ്ച വൈകുന്നേരം മുതൽ ആഘോഷ പരിപാടികൾ തുടങ്ങും. 

വൈ​കിട്ട് നാ​ലു മു​ത​ൽ രാ​ത്രി 11 വ​രെ​യാ​ണ് മു​ശൈ​രി​ബ് ഗ​ലേ​റി​യ​യി​ൽ ആ​ഘോ​ഷ​ പരിപാടികൾ അരങ്ങേറുന്നത്. എന്റർടെയ്ൻമെന്റ് സ്റ്റേജാണ് പ്രധാന വിനോദ കേന്ദ്രം. ക​ലാ പ്ര​ക​ട​ന​ങ്ങ​ൾ, സം​ഗീ​ത-നാടക പ​രി​പാ​ടികൾ ഉ​ൾ​പ്പെ​ടെ ഉത്സവ പ്രതീതിയായിരിക്കും സന്ദർശകർക്കായി ഒരുക്കുന്നത്. കു​ട്ടി​ക​ൾ​ക്കാ​യി പ്ര​ത്യേ​ക ഏ​രി​യ​ക​ൾ ത​ന്നെ പെ​രു​ന്നാ​ളി​നോ​ട​നു​ബ​ന്ധി​ച്ച് സ​ജ്ജ​മാ​ക്കി​യ​താ​യി അ​ധി​കൃ​ത​ർ അ​റി​യി​ച്ചു. മാ​ജി​ക് ഷോ, ​ബ​ബ്ൾ ഷോ, ​​​ഫേ​സ് പെ​യി​ന്റി​ങ്, ക്രി​യേ​റ്റി​വ് ശി​ൽ​പ​ശാ​ല​ക​ൾ, കു​ട്ടി​ക​ൾ​ക്കാ​യി ശാ​സ്ത്രീ​യ പ​രീ​ക്ഷ​ണ​ങ്ങ​ൾ എന്നിവ ഈ മേഖലയിലുണ്ടാകും. കു​ട്ടി​ക​ൾ​ക്കും കു​ടും​ബ​ങ്ങ​ൾ​ക്കും ആ​സ്വാ​ദ്യ​ക​ര​മാ​യ പ്ര​ത്യേ​ക ഷോ​ക​ളും പെ​രു​ന്നാ​ൾ ദി​ന​ങ്ങ​ളി​ൽ ഒ​രു​ക്കും. സം​ഗീ​ത പ​രി​പാ​ടി​ക​ൾ​ക്കൊ​പ്പം സ​മ്മാ​ന​ങ്ങ​ൾ നേ​ടാ​നും അ​വ​സ​ര​മു​ണ്ടാ​കു​മെ​ന്ന് സം​ഘാ​ട​ക​ർ അ​റി​യി​ച്ചു.

മു​ശൈ​രി​ബി​നോ​ട​നു​ബ​ന്ധി​ച്ച് പ്ര​ദേ​ശ​ത്തെ പ്ര​ധാ​ന ഹോ​ട്ട​ലു​ക​ളും ഈ​ദ് പാ​ക്കേ​ജു​ക​ൾ അ​വ​ത​രി​പ്പി​ച്ചു. വ്യാ​ഴം, വെ​ള്ളി ദി​വ​സ​ങ്ങ​ളി​ൽ മു​ശൈ​രി​ബ് മ്യൂ​സി​യം അ​വ​ധി​യാ​യി​രി​ക്കും. ശ​നി മു​ത​ൽ തി​ങ്ക​ൾ വ​രെ രാ​വി​ലെ 11 മു​ത​ൽ രാ​ത്രി ഏ​ഴു വ​രെ​യാ​കും പ്ര​വേ​ശ​നം. ചൊ​വ്വാ​ഴ്ച മു​ത​ൽ സാ​ധാ​ര​ണ നി​ല​യി​ൽ പ്ര​വ​ർ​ത്തി​ക്കും. മു​ശൈ​രിബിലെ പെരുന്നാൾ ആഘോഷ വേദികളിലേക്ക് പ്രവേശനം സൗജന്യമാണ്.

…