ഗാസയിലെ സഹായവിതരണ കേന്ദ്രങ്ങളിൽ ഇസ്രയേൽ ആക്രമണം: റിപ്പോർട്ട് പരിശോധിച്ച ശേഷം നടപടിയെന്ന് വൈറ്റ് ഹൗസ്
വാഷിങ്ടൻ ∙ ദക്ഷിണ ഗാസയിലെ സഹായവിതരണ കേന്ദ്രങ്ങൾ ലക്ഷ്യമിട്ട് ഇസ്രയേൽ നടത്തിയ ആക്രമണത്തെ കുറിച്ച് റിപ്പോർട്ട് ലഭിച്ചെന്ന് വൈറ്റ് ഹൗസ്. ആക്രമണം സംബന്ധിച്ച് സ്ഥിരീകരിക്കുകയോ നടപടി എടുക്കുകയോ ചെയ്യുന്നതിനു മുൻപ്, ലഭിച്ച വിവരങ്ങൾ പരിശോധിക്കേണ്ടതുണ്ടെന്ന് വൈറ്റ് ഹൗസ് പ്രസ് സെക്രട്ടറി കരോലിൻ ലീവിറ്റ് വ്യക്തമാക്കി.
തെക്കൻ ഗാസയിലെ റഫായിൽ ഭക്ഷണവിതരണകേന്ദ്രത്തിൽ ചൊവ്വാഴ്ച പുലർച്ചെ ഇസ്രയേൽ സൈന്യം നടത്തിയ വെടിവയ്പിൽ 27 പലസ്തീൻകാരാണ് കൊല്ലപ്പെട്ടത്.
184 പേർക്കു പരുക്കേറ്റു. ഇതേസ്ഥലത്തു ഞായറാഴ്ച ഇസ്രയേൽ നടത്തിയ വെടിവയ്പിൽ 31 പേരും തിങ്കളാഴ്ച 3 പേരും കൊല്ലപ്പെട്ടിരുന്നു.
ഇസ്രയേൽ മേൽനോട്ടത്തിൽ യുഎസ് കരാറുകാരായ ഗാസ ഹ്യുമാനിറ്റേറിയൻ ഫൗണ്ടേഷൻ നടത്തുന്ന ഭക്ഷണവിതരണകേന്ദ്രത്തിൽ 8 ദിവസത്തിനിടെ 102 പലസ്തീൻകാർ കൊല്ലപ്പെട്ടെന്നാണ് റിപ്പോർട്ട്.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
