ജനപ്രിയ വാഹന ബ്രാൻഡായ മാരുതി സുസുക്കി ഇ വിറ്റാര ഇലക്ട്രിക് എസ്യുവി, ഫ്രോങ്ക്സ് സ്ട്രോങ് ഹൈബ്രിഡ്, 7 സീറ്റർ ഗ്രാൻഡ് വിറ്റാര എന്നിവ ഉൾപ്പെടെ മൂന്ന് പ്രധാന എസ്‌യുവികൾ ഈ വർഷം പുറത്തിറക്കാൻ പദ്ധതിയിടുന്നു . ഇലക്ട്രിക് വിറ്റാര ഇവി വിഭാഗത്തിൽ ബ്രാൻഡിന്റെ അരങ്ങേറ്റം കുറിക്കുമെന്നതിനാൽ ഈ മൂന്ന് മോഡലുകളും അതിന്‍റേതായ രീതിയിൽ സവിശേഷമാണ്. അതേസമയം ഫ്രോങ്ക്സിൽ മാരുതി സുസുക്കി തന്നെ വികസിപ്പിച്ച ശക്തമായ ഹൈബ്രിഡ് പവർട്രെയിൻ അവതരിപ്പിക്കും. ഹ്യുണ്ടായി അൽകാസർ, ടാറ്റ സഫാരി, എംജി ഹെക്ടർ പ്ലസ് എന്നിവയ്ക്ക് വെല്ലുവിളി ഉയർത്താൻ മാരുതി സുസുക്കിയിൽ നിന്നുള്ള പ്രീമിയം 7 സീറ്റർ ഫാമിലി എസ്‌യുവിയായിരിക്കും മൂന്ന് നിര മാരുതി ഗ്രാൻഡ് വിറ്റാര.
പുതിയ മാരുതി 7 സീറ്റർ എസ്യുവി Y17 എന്ന കോഡുനാമത്തിൽ അറിയപ്പെടുന്നു. ഇത് അതിന്റെ 5 സീറ്റർ പതിപ്പിനേക്കാൾ നീളമുള്ളതായിരിക്കും. രണ്ട് മോഡലുകളും പ്ലാറ്റ്‌ഫോമും ഡിസൈൻ ഘടകങ്ങളും പങ്കിടും. എങ്കിലും, ചെറുതായി പരിഷ്‍കരിച്ച ബമ്പറുകൾ, പുനർരൂപകൽപ്പന ചെയ്ത ഹെഡ്‌ലാമ്പ്, ടെയിൽലാമ്പ് ക്ലസ്റ്ററുകൾ, പുതിയ അലോയി വീലുകൾ എന്നിങ്ങനെ അതിന്റെ പുറംഭാഗത്ത് ചില ശ്രദ്ധേയമായ മാറ്റങ്ങൾ വരുത്തും.
മൂന്ന് നിര സീറ്റിംഗ് ക്രമീകരണം ഒഴികെ, 7 സീറ്റർ മാരുതി ഗ്രാൻഡ് വിറ്റാരയുടെ മുഴുവൻ ക്യാബിൻ ലേഔട്ടും അതിന്റെ അഞ്ച് സീറ്റർ പതിപ്പിന് സമാനമായിരിക്കും. എസ്‌യുവിയിൽ അതേ 9 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, വെന്‍റിലേറ്റഡ് ഫ്രണ്ട് സീറ്റുകൾ, 360 ഡിഗ്രി ക്യാമറ, ടയർ പ്രഷർ മോണിറ്റർ, ലെതറെറ്റ് സ്റ്റിയറിംഗ് വീൽ, എച്ച്‍യുഡി, വയർലെസ് ഫോൺ ചാർജർ, 7 ഇഞ്ച് ഫുള്ളി ഡിജിറ്റൽ ഇൻസ്ട്രുമെന്റ് ക്ലസ്റ്റർ, പനോരമിക് സൺറൂഫ്, ലെതറെറ്റ് സീറ്റുകൾ, ഹിൽ ഡിസന്റ് കൺട്രോൾ തുടങ്ങിയ ഫീച്ചറുകൾ ഉണ്ടാകാൻ സാധ്യതയുണ്ട്.
ഏറ്റവും വലിയ ഫീച്ചർ അപ്‌ഗ്രേഡുകളിൽ ഒന്ന് അഡ്വാൻസ്‍ഡ് ഡ്രൈവർ അസിസ്റ്റൻസ് സിസ്റ്റം സ്യൂട്ടിന്റെ രൂപത്തിൽ വന്നേക്കാം. പുതിയ മാരുതി 7 സീറ്റർ ഫാമിലി എസ്‌യുവിയുടെ പവർട്രെയിൻ സജ്ജീകരണം 5 സീറ്റർ ഗ്രാൻഡ് വിറ്റാരയിലേത് തന്നെ തുടരും. രണ്ടാമത്തേത് 1.5L K15C പെട്രോൾ മൈൽഡ് ഹൈബ്രിഡ് (103bhp), 1.5L, 3-സിലിണ്ടർ അറ്റ്കിൻസൺ സൈക്കിൾ പെട്രോൾ എഞ്ചിൻ (115bhp) ഓപ്ഷനുകളിൽ ലഭ്യമാണ്. ട്രാൻസ്മിഷനുകളും മാറ്റമില്ലാതെ തുടരും. അതായത് 5-സ്പീഡ് MT (മൈൽഡ് ഹൈബ്രിഡ് മാത്രം), 6-സ്പീഡ് AT (മൈൽഡ് ഹൈബ്രിഡ് മാത്രം), ഒരു e-CVT (സ്ട്രോംഗ് ഹൈബ്രിഡ് മാത്രം).
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
