ലഖ്നൗ: ദിയോറിയ ജില്ലയിലെ രുദ്രാപൂർ പോലീസ് സ്റ്റേഷൻ പരിധിയിലുള്ള ഫത്തേപൂർ ഗ്രാമത്തിൽ രണ്ട് കുടുംബങ്ങൾ തമ്മിലുള്ള ഭൂമി തർക്കത്തിനിടെയുണ്ടായ വെടിവെയ്പ്പിൽ ആറു പേർ കൊല്ലപ്പെട്ടു. സംഘർഷത്തിൽ നിരവധി പേർക്ക് പരിക്കേറ്റതായും റിപ്പോർട്ട്‌ ഉണ്ട്.
ആദ്യം മുൻ ജില്ലാ പഞ്ചായത്ത് അംഗം പ്രേം യാദവിനെയാണ് മർദിച്ച് കൊലപ്പെടുത്തി. പിന്നാലെ എതിർ സംഘത്തിലെ സത്യപ്രകാശ് ദുബെയെന്നയാളെ യാദവിന് ഒപ്പമുള്ളവർ മർദ്ദിച്ചു കൊലപ്പെടുത്തി. ദുബെയും രണ്ട് പെൺമക്കളും ഭാര്യയും മകനും ഉൾപ്പെടെയാണ് കൊല്ലപ്പെട്ടതെന്നാണ് പോലീസ് അറിയിച്ചത്.
ഇന്ന് രാവിലെ ഏഴ് മണിയോടെയാണ് സംഭവം.ഭൂമിയെ ചൊല്ലി ഏറെ നാളുകളായി ഇരുകൂട്ടരും തമ്മിൽ തർക്കം നിലനിൽക്കുന്നുണ്ട്. രാവിലെ മൂർച്ചയുള്ള ആയുധങ്ങൾ ഉപയോഗിച്ച് പരസ്പരം ആക്രമിക്കുകയും വെടിയുതിർക്കുകയുമായിരുന്നുവെന്ന് പോലീസ് പറഞ്ഞു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
