വ്യാജ മരുന്നുകൾ നിങ്ങളെ അലട്ടുന്നുണ്ടോ, അല്ലെങ്കിൽ അവ എങ്ങനെ തിരിച്ചറിയാമെന്ന് അറിയില്ലേ? ഇനി ടെൻഷൻ വേണ്ട. മൊബൈലിൽ ഒരു ക്യുആർ കോഡ് സ്കാൻ ചെയ്താൽ മരുന്ന് വ്യാജനാണോ അല്ലയോ എന്ന് എളുപ്പത്തിൽ അറിയാം.
ഇതിന് കുറച്ച് സെക്കൻഡുകൾ മാത്രം മതി. ഇന്ത്യയിൽ വ്യാജ മരുന്നുകൾ വലിയ ഭീഷണിയാണ്. പുറമേ ഒറിജിനൽ പോലെ തോന്നുമെങ്കിലും വ്യാജനായിരിക്കും.
ഇത് തടയാനാണ് സർക്കാർ മരുന്നുകളിൽ ക്യുആർ കോഡ് സംവിധാനം തുടങ്ങിയത്. ഇന്നത്തെ സ്മാർട്ട്ഫോണുകളിൽ ക്യുആർ കോഡ് സ്കാൻ ചെയ്യാനുള്ള സൗകര്യമുണ്ട്.
മരുന്ന് പാക്കറ്റിലെ കോഡ് സ്കാൻ ചെയ്യുമ്പോൾ ബാച്ച് നമ്പർ, എക്സ്പയറി ഡേറ്റ് തുടങ്ങിയ വിവരങ്ങൾ ഫോണിൽ വരും. പാക്കറ്റിലെ വിവരങ്ങളുമായി ഇത് ഒത്തുനോക്കാം.
വിവരങ്ങൾ ലഭ്യമല്ലെങ്കിലോ വ്യത്യാസമുണ്ടെങ്കിലോ മരുന്ന് വ്യാജനാകാം. ആദ്യം മരുന്നിന്റെ പാക്കറ്റ് ശ്രദ്ധാപൂർവ്വം പരിശോധിക്കുക.
പാക്കറ്റിന് പുറത്തോ അകത്തോ ക്യുആർ കോഡ് ഉണ്ടാകും. മൊബൈൽ ക്യാമറ ഉപയോഗിച്ച് ക്യുആർ കോഡ് സ്കാൻ ചെയ്യുക.
സ്ക്രീനിൽ വരുന്ന വിവരങ്ങൾ ശ്രദ്ധയോടെ വായിക്കുക. ഈ വിവരങ്ങൾ പാക്കറ്റിലെ വിവരങ്ങളുമായി ഒത്തുനോക്കുക.
എല്ലാം ശരിയാണെങ്കിൽ, മരുന്ന് സുരക്ഷിതമാണ്. അല്ലെങ്കിൽ, ഉടൻ തന്നെ പരാതിപ്പെടുക.
ക്യുആർ കോഡ് സ്കാൻ ചെയ്യുമ്പോൾ വിവരങ്ങൾ ലഭിക്കുന്നില്ലെങ്കിലോ, പൊരുത്തക്കേടുകൾ ഉണ്ടെങ്കിലോ അത് അവഗണിക്കരുത്. ഈ വിവരം സിഡിഎസ്സിഒയെ (സെൻട്രൽ ഡ്രഗ്സ് സ്റ്റാൻഡേർഡ് കൺട്രോൾ ഓർഗനൈസേഷൻ) അറിയിക്കാം.
ഇത് മറ്റുള്ളവരെയും വ്യാജ മരുന്നുകളിൽ നിന്ന് രക്ഷിക്കാൻ സഹായിക്കും. നിലവിൽ, ഇന്ത്യയിൽ ഏറ്റവും കൂടുതൽ വിറ്റഴിക്കപ്പെടുന്ന 300 മരുന്നുകളിൽ മാത്രമാണ് ക്യുആർ കോഡ് നിർബന്ധമാക്കിയിട്ടുള്ളത്.
അതിനാൽ എല്ലാ മരുന്നുകളിലും ഇത് കാണില്ല. ഭാവിയിൽ കൂടുതൽ മരുന്നുകളിലേക്ക് ഈ സംവിധാനം വ്യാപിപ്പിക്കും.
അല്പം ശ്രദ്ധ നിങ്ങളുടെയും കുടുംബത്തിൻ്റെയും ആരോഗ്യം സംരക്ഷിക്കും. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
