നിലമ്പൂര്‍-നിലമ്പൂരില്‍ നിന്നു ബംഗളുരൂവിലേക്കുള്ള കെ.എസ്.ആര്‍.ടി.സി സ്വിഫ്റ്റ് ബസ് തകരാറിലായത് യാത്രക്കാരെ
വലച്ചു. ബസിന്റെ ക്ലച്ച് തകരാറാണ് വില്ലനായത്. ഇന്നലെ രാവിലെ പതിനൊന്നിന് പുറപ്പെടേണ്ട ബസ് ഉച്ചക്ക് ശേഷം മൂന്നോടെയാണ് ഡിപ്പോയില്‍ നിന്നു പുറപ്പെട്ടത്. ടിക്കറ്റ് നേരത്തെ ബുക്ക് ചെയ്ത് 10.45 ഓടെ ഡിപ്പോയില്‍ എത്തിയവരാണ് ബസിന്റെ തകരാര്‍ പരിഹരിക്കുന്നതിനായി നാലു മണിക്കൂറോളം കാത്തിരുന്നത്. വിദ്യാഭ്യാസ സ്ഥാപനങ്ങളിലേക്കും ജോലിസ്ഥലത്തേക്കും പോകുന്ന മുപ്പതോളം യാത്രക്കാരാണ് മണിക്കറുകളോളം ബസിനായി കാത്തിരുന്നത്. രാത്രി
പത്തിനേ ബസ് ബംഗളുരൂവിലെത്തൂ. ബസ് പെട്ടെന്ന് തകരാറായത് ഡിപ്പോ സ്റ്റേഷന്‍ മാസ്റ്റര്‍ ഉള്‍പ്പെടെയുള്ളവരെയും വിഷമവൃത്തത്തിലാക്കി. സ്വിഫ്റ്റ് ബസ് ആയതിനാല്‍ സ്‌പെയര്‍ പാര്‍ട്സുകള്‍ നിലമ്പൂര്‍ ഡിപ്പോയില്‍ ഇല്ലാത്തതാണ് തകരാര്‍ പരിഹരിക്കാന്‍ മണിക്കൂറോളം സമയമെടുത്തത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
