ഭാര്യയെ ഭർത്താവ് കുത്തിക്കൊലപ്പെടുത്തി; കൊലപാതകം നടന്നത് ഭാര്യ ജോലിക്കു നിന്ന വീട്ടിൽ വച്ച്

കൊല്ലം ∙ ജോലിക്കു നിന്ന വീട്ടിൽ അതിക്രമിച്ച് എത്തിയ ഭർത്താവ് ഭാര്യയെ കല്ലുവാതുക്കൽ ജിഷ ഭവനിൽ രേവതിയാണ് (36) മരിച്ചത്. കൊലപാതകത്തിനു ശേഷം ഒളിവിൽ പോയ ഭർത്താവ് ജിനുവിനെ പൊലീസ് മണിക്കൂറുകൾ‍ക്കകം ശൂരനാട് വച്ച് പിടികൂടി.

അഞ്ചാലുംമൂട് താന്നിക്ക മുക്ക് റേഷൻ കടയ്ക്കു സമീപത്തുള്ള ഷാനവാസ് മൻസിലിൽ ഇന്നലെ രാത്രി 10.30നാണ് കൊലപാതകം നടന്നത്. കൊലപാതകത്തെക്കുറിച്ച് പൊലീസ് പറഞ്ഞത്: ഷാനവാസ് മൻസിലിലുള്ള വയോധികനെ പരിചരിക്കാനാണ് രേവതി ഈ വീട്ടിൽ ജോലിക്കു നിന്നത്.
ഇന്നലെ രാത്രിയോടെ ഇവിടെ അതിക്രമിച്ച് എത്തിയ ഭർത്താവ് ജിനു ഭാര്യ രേവതിയുമായി വഴക്കുണ്ടാക്കുകയും കത്തി കൊണ്ട് കുത്തിപ്പരുക്കേൽപ്പിക്കുകയുമായിരുന്നു.

നിലവിളികേട്ട് ഒ‍ാടിക്കൂടിയവർ രേവതിയെ ജില്ലാ ആശുപത്രിയിൽ എത്തിച്ചപ്പോഴേക്കും മരിച്ചു. അഞ്ചാലുംമൂട് പൊലീസ് കേസെടുത്തു.

…