ബത്തേരി ∙ വീടിനടുത്ത് കൃഷിയിടത്തിൽ മേയുകയായിരുന്ന ഗർഭിണിയായ പശുവിനെയും സമീപത്തു കെട്ടിയിട്ടിരുന്ന കിടാവിനെയും കടുവ കൊന്നു. കൊട്ടനോട് നാരായണിയുടെ പശുവും മകൻ പത്മാക്ഷന്റെ കിടാവുമാണ് ചത്തത്. നൂൽപുഴ പഞ്ചായത്തിലെ കൊട്ടനോട് ഏഴേക്കർകുന്നിൽ വനാതിർത്തിയോടു ചേർന്ന് ഇന്നലെ രാവിലെ പതിനൊന്നോടെയാണു സംഭവം.പശുവിനെ മേയുന്ന സ്ഥലത്തു കെട്ടുന്നതിനായി കൊണ്ടുപോയ ഉടനെയായിരുന്നു കടുവയുടെ ആക്രമണം.
മുൻപേ പോയ പശുവിനടുത്തേക്ക് നടന്നു ചെല്ലുകയായിരുന്നു നാരായണി.
പെട്ടെന്ന് പശു വിളറി പിടിച്ചോടി. പന്തികേടു തോന്നിയ നാരായണി തിരികെ വീട്ടിലേക്കു പോന്നു.
മകൻ പത്മാക്ഷനെയും കൂട്ടി തിരികെ ചെല്ലുമ്പോൾ മേയുന്ന സ്ഥലത്ത് പശുവിനെ കണ്ടില്ല.
തുടർന്നു നടത്തിയ അന്വേഷണത്തിൽ വനാതിർത്തിക്കുള്ളിൽ ചത്ത നിലയിൽ കണ്ടെത്തി. അടുത്തായി പത്മാക്ഷന്റെ പശുക്കിടാവിന്റെ ജഡവും കണ്ടു.
വനാതിർത്തിയിലെ കുളത്തിനടുത്ത് കെട്ടിയിട്ടിരുന്ന പശുക്കിടാവാണ് ചത്തത്. പശുക്കിടാവിനെയാണു കടുവ ആദ്യം പിടികൂടിയതെന്ന് കരുതുന്നു.
വീണ്ടും തിരിച്ചു വന്നാണു പശുവിനെ പിടിച്ചത്. വനപാലകർ സ്ഥലത്തെത്തി കന്നുകാലികളെ പിടികൂടിയത് കടുവയാണെന്നു സ്ഥിരീകരിച്ചു. വെറ്ററിനറി സർജൻ പരിശോധന നടത്തി.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
