കൽപറ്റ ∙ ചൊവ്വാഴ്ച 28.95 ഗ്രാം എംഡിഎംഎയുമായി മുത്തങ്ങയിൽ യുവാവ് പിടിയിലായ സംഭവത്തിൽ ഒരാൾ കൂടി അറസ്റ്റിൽ. മലപ്പുറം പറമ്പിൽപീടിക കൊങ്കചേരി വീട്ടിൽ പി.സജിൽ കരീമിനെ (31) ആണ് ബുധനാഴ്ച കൊങ്കഞ്ചേരിയിൽ നിന്ന് ബത്തേരി പൊലീസ് പിടികൂടിയത്. ചൊവ്വാഴ്ച പിടിയിലായ യുവാവിനെ, എംഡിഎംഎ വാങ്ങുന്നതിനായി പണം നൽകി ബെംഗളൂരുവിലേക്ക് അയച്ചത് സജിൽ കരീമായിരുന്നു.
ചൊവ്വാഴ്ച ഉച്ചയോടെ മുത്തങ്ങ ചെക്ക്‌പോസ്റ്റിന് സമീപം നടത്തിയ പരിശോധനയിലാണ് 28.95 ഗ്രാം എംഡിഎംഎയുമായി കോഴിക്കോട് തിരുവമ്പാടി എലഞ്ഞിക്കൽ കവുങ്ങിൻതൊടി വീട്ടിൽ കെ.എ.നവാസിനെ (32) ലഹരിവിരുദ്ധ സ്‌ക്വാഡും ബത്തേരി പൊലീസും പിടികൂടിയത്.
കർണാടകയിൽ നിന്നും ബത്തേരി ഭാഗത്തേക്ക് വരികയായിരുന്ന കാർ നിർത്തി പരിശോധിച്ചപ്പോഴാണ് സ്റ്റിയറിങ്ങിനടിയിൽ ഒളിപ്പിച്ച നിലയിൽ എംഡിഎംഎ കണ്ടെടുത്തത്. വാഹനവും പൊലീസ് കസ്റ്റഡിയിലെടുത്തിരുന്നു.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
