ബത്തേരി∙ മൂടക്കൊല്ലി, മണ്ണുണ്ടി, രണ്ടാം നമ്പർ എന്നിവിടങ്ങളിൽ നാട്ടിലിറങ്ങി കൃഷിനാശം വരുത്തുന്ന കാട്ടുകൊമ്പന്മാരെ ഇന്നലെയും കുങ്കിയാനകളെ ഉപയോഗിച്ച് കാട്ടിലേക്ക് തുരത്തി. ഇരുളം, കുപ്പാടി ഫോറസ്റ്റ് സ്റ്റേഷനുകളിലെ 14 പേരടങ്ങുന്ന വനപാലക സംഘമാണ് തുരത്തലിന് നേതൃത്വം നൽകിയത്.
മുത്തങ്ങ ആന ക്യാംപിൽ നിന്നെത്തിച്ച പ്രമുഖ, ഭരത് എന്നീ കുങ്കിയാനകളുടെ സഹായത്തോടെയായിരുന്നു തുരത്തൽ.നാട്ടിലിറങ്ങുന്ന 4 കാട്ടുകൊമ്പന്മാരാണ് പ്രധാനമായു വാകേരി, മൂടക്കൊല്ലി വനാതിർത്തികളിലുള്ളത്. പലയിടങ്ങളിലൂടെയും ഇവ നാട്ടിലിറങ്ങുന്നുണ്ടെങ്കിലും കുങ്കിയാനകൾ ക്യാംപ് ചെയ്യുന്ന ഭാഗത്തേക്ക് ഇവ എത്താറില്ല.
എന്നാൽ കഴിഞ്ഞ ദിവസം ചിലയിടങ്ങളിൽ വീണ്ടും കാട്ടാനകളിറങ്ങിയിരുന്നു. കുങ്കിയാനകളെ ഉപയോഗിച്ച് ഉൾക്കാട്ടിലേക്കാണ് കാട്ടുകൊമ്പന്മാരെ തുരത്തുന്നത്.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
