മാനന്തവാടി ∙ പൊതു അവധി ദിനങ്ങളിൽ മാനദണ്ഡങ്ങൾ പാലിക്കാതെ മണ്ണെടുപ്പ് നടത്തുന്നതിന് എതിരെ നടപടി ശക്തമാക്കി റവന്യു അധികൃതർ. താലൂക്ക് പരിധിയിൽ അനധികൃത മണ്ണെടുപ്പ് നടത്താൻ ഉപയോഗിച്ച 3 മണ്ണുമാന്തി യന്ത്രങ്ങളും 2 ടിപ്പറുകളും റവന്യു അധികൃതർ പിടിച്ചെടുത്തു.
മാനന്തവാടി വില്ലേജ് പരിധിയിലെ ചൂട്ടക്കടവ്, അഞ്ചുകുന്ന് വില്ലേജ് പരിധിയിലെ ആറാം മൈൽ എന്നിവിടങ്ങളിൽ നിന്നാണ് ഇവ പിടികൂടിയത്. പൊതു അവധി ദിനമായ രണ്ടാം ശനിയാഴ്ച രാവിലെയാണ് മാനദണ്ഡങ്ങൾ പാലിക്കാതെ മണ്ണെടുപ്പ് നടത്തിയത്.
ഡപ്യൂട്ടി തഹസിൽദാർ ചന്ദ്രലേഖ, അരുൺകുമാർ, ബിവിൻ രാജ് എന്നിവർ ഉൾപ്പെടുന്ന പ്രത്യേക സംഘമാണ് വാഹനങ്ങൾ പിടിച്ചെടുത്തത്.
അനധികൃത മണ്ണെടുപ്പും തണ്ണീർത്തടം നികത്തലും പ്രതിരോധിക്കുന്നതിന്റെ ഭാഗമായി കഴിഞ്ഞ മാസം 23 നാണ് അനധികൃത മണ്ണെടുപ്പ് തടയാനായി പ്രത്യേക സ്ക്വാഡുകൾ രൂപീകരിച്ചത്. ഡപ്യൂട്ടി തഹസിൽദാർ, ജൂനിയർ സൂപ്രണ്ട് എന്നിവരുടെ നേതൃത്വത്തിൽ താലൂക്ക് തലത്തിൽ പ്രത്യേക സ്ക്വാഡുകൾ രൂപീകരിച്ച് പ്രവർത്തിച്ച് വരുന്നുണ്ട്.
വരുംദിവസങ്ങളിലും പരിശോധന തുടരുമെന്ന് തഹസിൽദാർ അറിയിച്ചു. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
