ബത്തേരി ∙ ഗ്രാഫിക് ആര്‍ട്ടിസ്റ്റും പരിസ്ഥിതി പ്രവര്‍ത്തകനുമായ മാതമംഗലം പാലക്കുന്നുമൽ റഷീദ് ഇമേജ് (51) അന്തരിച്ചു. ചൊവ്വാഴ്ച രാവിലെ ഹൃദയാഘാതത്തെ തുടർന്നായിരുന്നു അന്ത്യം.
കബറടക്കം ബത്തേരി നായ്ക്കട്ടി ജുമാ മസ്ജിദ് കബര്‍സ്ഥാനില്‍ നടത്തി.വയനാട്ടിലെ വിവിധയിടങ്ങളിൽ വൃത്തിഹീനമായ ഭിത്തികളില്‍ ഗ്രാഫിക് പെയിന്റിങ്ങുകളിലൂടെ പുതിയൊരു കാഴ്ചാനുഭവം സൃഷ്ടിച്ച കലാകാരനാണ്. മുളങ്കാടുകള്‍ വെച്ചുപിടിപ്പിച്ചും മഞ്ഞക്കൊന്നയെ ഉന്മൂലനം ചെയ്തും പരിസ്ഥിതി സംരക്ഷണ പ്രവർത്തനങ്ങളിലും സജീവമായിരുന്നു.
ഖത്തറില്‍ അഞ്ഞൂറിലധികം വൃക്ഷത്തൈകള്‍ നട്ടുപരിപാലിച്ച അദ്ദേഹത്തിന്റെ പ്രവര്‍ത്തനം ഏറെ പ്രശംസ നേടി.
ഗ്രീന്‍സ് വൈല്‍ഡ് ലൈഫ് ഫ്ലവേഴ്‌സ് ഫോറം ചെയര്‍മാനായിരുന്നു. ബത്തേരിയിലെ ശുചിത്വമിഷന്‍ പരിപാടികളിലും ‘ഹാപ്പി ഹാപ്പി ബത്തേരി’യുടെ പ്രവര്‍ത്തനങ്ങളിലും സജീവ സാന്നിധ്യമായിരുന്നു.
ചിറക്കമ്പം കുന്നുമ്മല്‍ പരേതനായ മൂസയുടെയും ഉമ്മയ്യയുടെയും മകനാണ്. ഭാര്യ: സീനത്ത്, മക്കള്‍: ആദില്‍, റിയ ഫാത്തിമ.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
