പനമരം ∙ സ്കൂളിൽ പ്രസവിച്ചു കിടന്ന തെരുവുനായയുടെ കടിയേറ്റു പനമരം ഗവ. എൽപി സ്കൂൾ മൂന്നാം ക്ലാസ് വിദ്യാർഥി മുഹമ്മദ് ബിഷ്റുൽ ഹാഫിന് (8) പരുക്ക്. ഇന്നലെ രാവിലെ 9.15ന് ആണ് സംഭവം.
കുട്ടി ശുചിമുറിയിൽ പോയ ശേഷം തൊട്ടടുത്തുള്ള ക്ലാസ് മുറിയിലേക്കു തിരിച്ചു വരുന്നതിനിടെ പിന്നാലെ എത്തിയ നായ ഇടതുകാലിൽ കടിക്കുകയായിരുന്നു. നായയെ തൊഴിച്ചു മാറ്റി പാചകപ്പുരയിലേക്ക് ഓടിക്കയറിയതിനാൽ കൂടുതൽ കടിയേൽക്കാതെ രക്ഷപ്പെട്ടു.
മുട്ടിനു താഴെ പരുക്കേറ്റ വിദ്യാർഥിയെ അധ്യാപകരും മറ്റും ചേർന്ന് പനമരം സിഎച്ച്സിയിലും പിന്നീട് മാനന്തവാടി ഗവ.മെഡിക്കൽ കോളജ് ആശുപത്രിയിലും എത്തിച്ചു ചികിത്സ നൽകി.
നീരിട്ടാടി പാനോളി നൂറുദ്ദീന്റെയും ഷമീമയുടെയും മകനാണു മുഹമ്മദ് ബിഷ്റുൽ. പഞ്ചായത്തിലും മൃഗസംരക്ഷണ വകുപ്പിലും അറിയിച്ചതിനെ തുടർന്ന് ഇന്നലെ വൈകിട്ട് പഞ്ചായത്ത് പ്രസിഡന്റിന്റെ നേതൃത്വത്തിൽ ഇവിടെ നിന്ന് നായയെയും കുട്ടികളെയും നീക്കം ചെയ്തു. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
