കയ്പമംഗലം ∙ ദേശീയ ജലപാത വികസനത്തിന്റെ ഭാഗമായി കനോലി കനാൽ തീരത്ത് കാക്കാത്തുരുത്തിയിൽ നിർമിക്കുന്ന ബോട്ട് ജെട്ടിയുടെ നിർമാണം വീണ്ടും തുടങ്ങി. ഒരു വർഷം ആയി പൈലിങ് അടക്കമുള്ള പണികൾ ആരംഭിച്ച ശേഷം നിലച്ച നിലയിലായിരുന്നു.
കയ്പമംഗലം – പെരിഞ്ഞനം പഞ്ചായത്തുകളിലെ അതിർത്തിയിൽ കാക്കാത്തുരുത്തി പാലത്തിനു സമീപം പഴയ കടവിൽ ആണ് ജില്ലയിലെ ആദ്യത്തെ ബോട്ട് ജെട്ടി നിർമിക്കുന്നത്. 15 മീറ്റർ നീളവും 5 മീറ്റർ വീതിയുമുള്ള ബോട്ട് ജെട്ടിക്ക് 90 ലക്ഷം രൂപയാണ് ഫണ്ട്.
കോൺക്രീറ്റ് അടക്കമുള്ള നിർമാണ പ്രവർത്തനം കഴിഞ്ഞ ദിവസമാണ് ആരംഭിച്ചത്.
നേരത്തെ ഉണ്ടായ കനത്ത മഴയിൽ പൈലിങ് നടത്താൻ ഉണ്ടാക്കിയ ഇരുമ്പ് പ്ലാറ്റ്ഫോം വെള്ളത്തിൽ മുങ്ങി തുരുമ്പെടുത്തിരുന്നു. ബോട്ട് ജെട്ടിയുടെ ഡിസൈനിങ് മാറ്റവും കനാലിൽ ഉയർന്ന വെള്ളവുമാണ് നിർമാണങ്ങൾക്ക് തടസ്സം ഉണ്ടായതെന്നും കാലാവസ്ഥ അനുകൂലമാകുന്ന സ്ഥിതിക്ക് മൂന്ന് മാസം കൊണ്ട് പണികൾ പുരോഗമിക്കാൻ ആകുമെന്ന് ഇറിഗേഷൻ അധികൃതർ പറഞ്ഞു.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
