ചാവക്കാട്∙ദേശീയപാത 66 നിർമാണത്തിനായി കൊണ്ടുവന്ന ചുവന്നമണ്ണും കല്ലുകളും ലോറിയിൽ നിന്ന് ടൗണിൽ റോഡ് നീളെ വീണത് യാത്രക്കാർക്കും വ്യാപാരികൾക്കും ദുരിതമായി. ഇന്നലെ പുലർച്ചെ 5.30 നാണ് സംഭവം.
ലോറിയിൽ അമിതമായി മണ്ണും കല്ലും കയറ്റിയതു മൂലം പിൻഭാഗത്തെ വാതിൽ തുറന്ന് മണ്ണും കല്ലും റോഡിൽ വീഴുകയായിരുന്നു.
ഡ്രൈവറോട് നാട്ടുകാർ പറ‍ഞ്ഞെങ്കിലും ഇത് ശ്രദ്ധിക്കാതെ വാഹനം ഓടിച്ചു പോയെന്നും ആക്ഷേപമുണ്ട്. മഴവെള്ളവും മണ്ണും കൂടിക്കലർന്നു റോഡിന്റെ ഇരു ഭാഗങ്ങളിലും കടകൾക്ക് മുന്നിലും ചെളി കെട്ടിയ നിലയിലായി.
നഗരസഭ ശുചീകരണ തൊഴിലാളികളും അഗ്നിരക്ഷാ സേനയും ചേർന്ന് മണിക്കൂറുകളോളം പണിയെടുത്താണ് മണ്ണും ചെളിയും റോഡിൽ നിന്ന് നീക്കി. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
