പുതുക്കാട് ∙ ദേശീയപാതയിൽ ഗതാഗതക്കുരുക്കിനിടെ 4 അപകടങ്ങൾ. ഒരാൾക്ക് പരുക്ക്.
ആമ്പല്ലൂരിലെ അടിപ്പാത നിർമാണത്തെ തുടർന്ന് ദേശീയപാതയിൽ ഗതാഗതക്കുരുക്ക് പുതുക്കാട് വരെ നീണ്ടിരുന്നു. പുതുക്കാട് സിഗ്നലിനു സമീപം ഇന്നലെ വൈകിട്ടായിരുന്നു അപകടങ്ങൾ.
ടാങ്കർ ലോറിയിടിച്ച് സ്കൂട്ടർ യാത്രികനായ പുതുക്കാട് കാഞ്ഞൂപാടം സ്വദേശി മൂർക്കനാട്ടുകാരൻ തോമസിന് പരുക്കേറ്റു. തോമസിനെ തൃശൂരിലെ സ്വകാര്യ ആശുപത്രിയിൽ പ്രവേശിപ്പിച്ചു.
പുതുക്കാട് സിഗ്നൽ ജംക്‌ഷനിൽ വാഹനനിരയുണ്ടായതോടെ റെയിൽവേ സ്റ്റേഷൻ റോഡിൽ നിന്നും കാഞ്ഞൂപാടം റോഡിലേക്ക് വാഹനങ്ങൾക്ക് കടന്നുപോകാൻ കഴിയാതെയായി.
തുടർന്ന് ഇന്നലെ വൈകിട്ട് ഒരു മണിക്കൂറിനിടെയാണ് 4 അപകടങ്ങളും ഉണ്ടായത്. ടാങ്കർ ലോറിയും സ്‌കൂട്ടറും കൂട്ടിയിടിച്ചുണ്ടായ അപകടത്തിൽ സ്കൂട്ടർ യാത്രികന്റെ കാലിന് ഗുരുതര പരുക്കുണ്ട്.
കെഎസ്ആർടിസി ബസ്, സ്വകാര്യ ബസ്, പിക്കപ്പ് വാൻ, കാർ, ബൈക്ക്, സ്കൂട്ടർ എന്നിവയാണ് അപകടത്തിൽപെട്ട
മറ്റുവാഹനങ്ങൾ. ദേശീയപാത കുറുകെ കടക്കാൻ ശ്രമിക്കുന്നതിനിടെയാണ് 3 അപകടങ്ങൾ ഉണ്ടായതെന്ന് നാട്ടുകാർ പറഞ്ഞു. ഗതാഗതക്കുരുക്ക് രൂക്ഷമായതോടെ ദേശീയപാതയിലേക്ക് കടക്കാൻ യാത്രക്കാർ ബുദ്ധിമുട്ടുകയാണ്. ഇത് അപകടങ്ങൾക്ക് വഴിവയ്ക്കുന്നു. അരമണിക്കൂറോളം വരിയിൽ കിടന്നാണ് പല വാഹനങ്ങളും ആമ്പല്ലൂർ മറികടന്നത്.
പലപ്പോഴും പൊലീസിന്റെ സേവനം പുതുക്കാട് സെന്ററിൽ ലഭ്യമാകുന്നില്ലെന്നും ആരോപണമുണ്ട്. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
