മതിലകം ∙ വെർച്വൽ അറസ്റ്റ് തട്ടിപ്പ് നടത്തി 18 ലക്ഷത്തിലധികം രൂപ കവർന്ന രണ്ട് പേർ പിടിയിൽ. കോഴിക്കോട് ബാലുശ്ശേരി സ്വദേശികളായ കുന്നോത്ത് വീട്ടിൽ അർജുൻ (24), ചെമ്പകത്ത് വീട്ടിൽ ഷിദിൻ (23) എന്നിവരെയാണ് റൂറൽ ജില്ലാ പൊലീസ് മേധാവി ബി.
കൃഷ്ണകുമാറിന്റെ നേതൃത്വത്തിലുള്ള പൊലീസ് ബാലുശ്ശേരിയിൽ നിന്ന് അറസ്റ്റ് ചെയ്തത്. കൂളിമുട്ടം സ്വദേശിയെ വാട്സാപ് വിഡിയോ കോളിൽ വിളിച്ചായിരുന്നു തട്ടിപ്പ്. മുംബൈ സലാർ പോലീസ് സ്റ്റേഷനിൽ നിന്നാണെന്നും ഡിജിറ്റൽ അറസ്റ്റിലാണെന്നും പറഞ്ഞ് വിശ്വസിപ്പിച്ച് പതിനെട്ടേകാൽ ലക്ഷത്തോളം രൂപ തട്ടിയെടുത്തു എന്നാണ് പരാതി.
2024 ഡിസംബർ 15 നായിരുന്നു സംഭവം.
പരാതിക്കാരന്റെയും ഭാര്യയുടെയും ജോയിന്റ് അക്കൗണ്ടിലുണ്ടായിരുന്ന സ്ഥിരനിക്ഷേപവും പഴ്സനൽ അക്കൗണ്ടിൽ ഉണ്ടായിരുന്ന പണവും സ്വർണം പണയം വച്ച പണവും അടക്കം 18,15,936 രൂപ പ്രതികളിലൊരാളുടെ അക്കൗണ്ടിലേക്ക് അയപ്പിച്ചാണ് തട്ടിപ്പ് നടത്തിയത്. മതിലകം എസ്എച്ച്ഒ എം.കെ.ഷാജി, എസ്ഐ.അശ്വിൻ, എഎസ്ഐ.വഹാബ്, സിപിഒ ഷനിൽ എന്നിവരും അന്വേഷണ സംഘത്തിലുണ്ടായിരുന്നു. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
