തൃപ്രയാർ ∙ ബസ് സ്റ്റാൻഡിന് സമീപം പ്രിൻസ് മോട്ടോഴ്സ് സ്ഥാപനത്തിലേക്ക് അതിക്രമിച്ച് കയറി, ഉടമ നാട്ടിക കാളക്കൊടുവത്ത് വീട്ടിൽ മധുസൂദനൻ (55), മകൻ ആദിൽകൃഷ്ണ (21), ജീവനക്കാരൻ എന്നിവരെ ആക്രമിച്ച് പരുക്കേൽപിച്ച് സ്ഥാപനം അടിച്ച് തകർത്ത കേസിൽ രണ്ട് പേർ പിടിയിൽ.വാടാനപ്പള്ളി ബീച്ച് സ്വദേശികളായ പണ്ടാറത്തിൽ വീട്ടിൽ സാലിഹ് (43), പണ്ടാറത്തിൽ വീട്ടിൽ ആദിൽ (21) എന്നിവരെയാണ് വലപ്പാട് എസ്എച്ച്ഒ എം.കെ.രമേഷും സംഘവും അറസ്റ്റ് ചെയ്തത്.
പ്രതികൾ കൊണ്ടുവന്ന പെട്ടി ഓട്ടോ വേഗം സർവീസ് ചെയ്യണമെന്ന് പറഞ്ഞാണ് തർക്കമുണ്ടായത്. സാലിഹ് വാടാനപ്പള്ളി സ്റ്റേഷനിൽ 4 ക്രിമിനൽ കേസിൽ പ്രതിയാണെന്ന് പൊലീസ് പറഞ്ഞു. എസ്ഐമാരായ വിജു, ഉണ്ണി, എഎസ്ഐമാരായ സുനിൽകുമാർ, സജയൻ, സിപിഒമാരായ അലി, ജെസ്‌ലിൻ തോമസ് എന്നിവർ അന്വേഷണ സംഘത്തിലുണ്ടായിരുന്നു.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
