ചെറുതുരുത്തി ∙ അപമര്യാദയായി പെരുമാറിയെന്ന വിദ്യാർഥികളുടെ പരാതിയിൽ പൊലീസ് പോക്സോ കേസെടുത്തതിനെ തുടർന്ന് ഒളിവിൽ പോയ കലാമണ്ഡലത്തിലെ കൂടിയാട്ടം വിഭാഗം അധ്യാപകനായ കലാമണ്ഡലം കനകകുമാറിനെ ചെന്നൈയിൽ നിന്ന് പൊലീസ് പിടികൂടി. കഴിഞ്ഞ 10നാണ് കലാമണ്ഡലം അധികൃതർ നൽകിയ പരാതിയിൽ പൊലീസ് കേസെടുത്തത്.
ആദ്യം 2 വിദ്യാർഥികളുടെ മൊഴിപ്രകാരവും പിന്നീട് 3 വിദ്യാർഥികളുടെ മൊഴിപ്രകാരവുമാണ് അധ്യാപകനെതിരെ ചെറുതുരുത്തി പൊലീസ് 5 പോക്സോ കേസുകൾ ചുമത്തിയത്.
സംഭവത്തിൽ അധ്യാപകനെ കലാമണ്ഡലത്തിൽ നിന്ന് അധികൃതർ പുറത്താക്കിയിരുന്നു. ഒളിവിൽ പോയ കനകകുമാറിനെ ഞായർ രാത്രി ചെന്നൈയിൽ നിന്ന് പൊലീസ് പിടികൂടുകയായിരുന്നു.
ചെറുതുരുത്തി പൊലീസ് സ്പെഷ്യൽ സ്ക്വാഡ് എസ്ഐ ജോളി സെബാസ്റ്റ്യൻ, എസ് സിപിഒമാരായ വിനീത് മോൻ, ജയകൃഷ്ണൻ എന്നിവരടങ്ങിയ സംഘമാണ് പ്രതിയെ പിടികൂടിയത്. ഇന്നലെ വൈകിട്ട് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
