ആർത്താറ്റ് ഓർത്തഡോക്സ് കത്തീഡ്രലിൽ മാതാവിന്റെ ജനനപ്പെരുന്നാളിന് ഇന്നു തുടക്കം

കുന്നംകുളം ∙ വിശുദ്ധ മാർത്തോമ്മാ ശ്ലീഹായാൽ സ്ഥാപിതമായ ആർത്താറ്റ് സെന്റ് മേരീസ് ഓർത്തഡോക്സ് കത്തീഡ്രലിൽ വിശുദ്ധ ദൈവമാതാവിന്റെ ജനനപ്പെരുന്നാളിന്  ഇന്നു  തുടക്കം. പെരുന്നാളിന്റെ ഭാഗമായി ഒന്നുമുതൽ മൂന്നിന്മേൽ കുർബാന, മധ്യസ്ഥ പ്രാർഥന, മേളം തുടങ്ങിയവ നടത്തി.  വീടുകളിൽ കഴിയുന്ന രോഗികൾക്കും മുതിർന്നവർക്കും വേണ്ടി ഇന്നലെ പ്രത്യേക കുർബാന ഉണ്ടായി.   ദീപാലങ്കാരങ്ങളുടെ സ്വിച്ച് ഓൺ, മേളം എന്നിവയും നടത്തി. 
ഇന്ന് ഏഴിന് രാവിലെ 8.45ന് കുർബാന, ഗീവർഗീസ് മാർ കൂറിലോസ് മുഖ്യ കാർമികത്വത്തിൽ പ്രാർഥന എന്നിവയുണ്ട്.

വൈകിട്ട് 6ന് കുറുക്കൻപാറ സെന്റ് മേരീസ് കുരിശുപള്ളിയിൽ ഘോഷയാത്ര ആരംഭിക്കും. കത്തീഡ്രലിൽ ഘോഷയാത്ര സമാപിച്ച ശേഷം  ഡോ.ഗീവർഗീസ് മാർ യൂലിയോസിന്റെ കാർമികത്വത്തിൽ സന്ധ്യാനമസ്കാരം, പ്രദക്ഷിണം, ആശീർവാദം, ശ്ലൈഹികവാഴ്‌വ് എന്നിവ നടത്തും.

രാത്രി ദേശക്കാരുടെ വാദ്യമേളങ്ങളും എഴുന്നള്ളിപ്പും ആരംഭിക്കും. പത്തോളം ആനകൾ നിരക്കും. 
നാളെ രാവിലെ 8.30ന് മൂന്നിന്മേൽ കുർബാന.

തുടർന്ന് യുവജന പ്രസ്ഥാനത്തിന്റെ നേതൃത്വത്തിൽ മെറിറ്റ് അവാർഡ്, ചികിത്സാസഹായം എന്നിവ വിതരണം ചെയ്യും. 12.30ന് വാദ്യഘോഷം തുടങ്ങും.  4.30ന് ധൂപപ്രാർഥന, പ്രദക്ഷിണം, ആശീർവാദം, നേർച്ച സദ്യ എന്നിവയുണ്ട്.

തോട്ടുപുറം തറവാട്ടു വേല പള്ളിക്കു മുൻപിലെത്തി പാരിതോഷികം സ്വീകരിക്കുന്നതോടെയാണു പെരുന്നാൾ സമാപിക്കുക. വികാരി ഫാ.

വി.എം.സാമുവൽ, സഹ വികാരി ഫാ. ജോസഫ് ജോർജ്, ട്രസ്റ്റി സി.ഐ.

റെജി, സെക്രട്ടറി കെ.എസ്.ബെന്നി എന്നിവരടങ്ങിയ കമ്മിറ്റി നേതൃത്വം നൽകും. …