ചാവക്കാട് ഉത്സവത്തിനിടെ ആന ഇടഞ്ഞു; രണ്ട് പേർക്ക് പരുക്ക്
ചാവക്കാട്∙ പുന്ന അയ്യപ്പ സുബ്രഹ്മണ്യ ക്ഷേത്രം ഉത്സവത്തിനു എഴുന്നള്ളിപ്പുമായി വന്നിരുന്ന ആന ഇടഞ്ഞു. രണ്ട് പേർക്ക് പരുക്ക്.
മുതുവട്ടൂരിലെ ഒ‌ാട്ടോ ഡ്രൈവർ പോക്കാക്കില്ലത്ത് വീട്ടിൽ നിസാം(40), രണ്ടാം പാപ്പാൻ കാരമുക്ക് മാമ്പുളളി വീട്ടിൽ ബിജു(42) എന്നിവരെ തൃശൂർ ദയ ആശുപത്രിയിൽ പ്രവേശിപ്പിച്ചു. ഇന്നലെ വൈകിട്ട് 5.10നാണ് മരുതൂർ കുളങ്ങര മഹാദേവൻ എന്ന കൊമ്പൻ ഇടഞ്ഞത്. നിസാമിനെ തുമ്പിക്കൈയിൽ കോരിയെടുത്ത് തൊട്ടടുത്ത അയിനിപ്പിള്ളി ചുള്ളിപറമ്പിൽ ജനാർദനന്റെ വീട്ടുപറമ്പിൽ കയറിയ ആന നിസാമിനെ ഇവിടെ ഇട്ട് വലിച്ചിഴച്ചു.
ഇതിനുശേഷം പാപ്പാനെ ആന കുടഞ്ഞിട്ടു. മറ്റ് പാപ്പാൻമാർ ആനയെ മെരുക്കാൻ ശ്രമം നടത്തി. ഇവിടെ പാർക്ക് ചെയ്തിരുന്ന കാർ, ഒ‌ാട്ടോറിക്ഷ എന്നിവയ്ക്ക് കേടുപാടുപറ്റി.
ആനപ്പുറത്തുണ്ടായിരുന്നവർ ചാടി രക്ഷപ്പെട്ടു. മറ്റ് രണ്ട് ആനകളോടൊപ്പം പുന്ന സെന്ററിൽ എത്തുന്നതിന് തൊട്ടുമുൻപാണ് ആന ഇടഞ്ഞത്.
ആനയെ പിന്നീട് തളച്ചു.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
