തിരുവനന്തപുരം∙ എ ആര്‍ റഹ്‌മാന്റെ വന്ദേമാതരം പാടി അവസാനിച്ചപ്പോള്‍ ഹാളില്‍ നിലയ്ക്കാത്ത കയ്യടികളായിരുന്നു. പരിമിതികളെ പരിധിക്കപ്പുറം നിര്‍ത്തുന്ന അതുല്യ കലാപ്രകടനത്തിന് സാക്ഷ്യം വഹിച്ച സന്തോഷമായിരുന്നു സദസ്സിലെ മുഖങ്ങളില്‍.
ഡിഫറെന്റ് ആര്‍ട്ട് സെന്ററില്‍ നടക്കുന്ന സമ്മോഹനം 2025ല്‍ ഡല്‍ഹിയില്‍നിന്നുള്ള ‘ചയനീത് ദ് ചോസണ്‍ വണ്‍’ ന്യൂറോഡൈവേഴ്സ് സംഗീത ബാന്‍ഡ് അവതരിപ്പിച്ച കലാപ്രകടനം അക്ഷരാത്ഥത്തില്‍ മികച്ചതായി.
ഡ്രംസിന്റെ ആത്മാവ് തൊട്ടറിഞ്ഞ ചയന്‍ തനേജ, പിയാനോയില്‍ ഇന്ദ്രജാലം തീര്‍ക്കുന്ന ദേവാംഗ ബിദ്രം കലിത, ഗിറ്റാറിനെ തീപിടിപ്പിച്ച കെവിന്‍ ആര്യന്‍ മിഷേല്‍, ഗായകരായ ഇഷാന്‍ പ്രതാപ് സിംഗ്, ശ്രേയം ശ്രീവര്‍ധന്‍ എന്നിവരാണ് ബാന്‍ഡിലെ അംഗങ്ങള്‍. ഭിന്നശേഷിക്കാരായ ഇവര്‍ ഡല്‍ഹിയിലെ വിവിധ വേദികളില്‍ നിരവധി സംഗീതനിശകള്‍ അവതരിപ്പിച്ചിട്ടുണ്ടിലും കേരളത്തിലെ വേദിയിലെത്തുന്നത് ഇത് ആദ്യമായാണ്.
അപ്രതീക്ഷിത സമയങ്ങളില്‍ വ്യത്യസ്ത സ്വഭാവസവിശേഷത പുലര്‍ത്തുന്ന ഇവര്‍ സംഗീതമെന്ന മന്ത്രികവലയത്തിനുള്ളില്‍ ഒരുപോലെ, മികച്ച പ്രകടനമാണ് നടത്താറുള്ളത്.
ഓട്ടിസം സ്‌പെക്ട്രത്തില്‍ ഗ്രാഫിക് ഡിസൈനറായ ചയാന്‍ തനേജയും പിയാനിസ്റ്റ് ദേവാംഗ ബിദ്രം കലിതയുമാണ് ബാന്‍ഡിന്റെ സ്ഥാപകര്‍.
സമ്മോഹൻ 2025; ദേശീയ ഭിന്നശേഷി കലാമേളയ്ക്ക് സമാപനം
കിൻഫ്ര ഫിലിം പാർക്കിലെ ഡിഫറന്റ് ആർട്ട് സെന്ററിൽ രണ്ടു ദിവസമായി നടന്ന കലാമേളയുടെ സമാപന സമ്മേളനം പ്രശസ്ത സിനിമ താരം അജയകുമാർ (ഗിന്നസ് പക്രു) ഉദ്‌ഘാടനം ചെയ്തു. ഭിന്നശേഷി ആളുകളുടെ കഴിവുകൾ ആഘോഷിക്കുന്ന തരത്തിലുള്ള വേദിയാണ് സമ്മോഹനിലൂടെ ഒരുക്കി നൽകുന്നതെന്ന് അജയകുമാർ പറഞ്ഞു.
ഡിഫറന്റ് ആർട്ട് സെന്ററിന്റെ സ്ഥാപകനും പ്രശസ്ത മജിഷ്യനുമായ ഗോപിനാഥ് മുതുകാട് അധ്യക്ഷത വഹിച്ചു.
പശ്ചിമബംഗാള്‍, മഹാരാഷ്ട്ര, ഡല്‍ഹി, ഒഡീഷ, തമിഴ്‌നാട്, മധ്യപ്രദേശ്, ആന്ധ്രാപ്രദേശ് സംസ്ഥാനങ്ങളിലെ ഇരുന്നോറോളം ഭിന്നശേഷി കലാകാരന്മാരാണ് മേളയിൽ പങ്കെടുത്തത്. ഡൽഹിയിലെ ന്യൂറോഡൈവേഴ്സ് സംഗീത ബാൻഡായ ‘ചയനിത് ദ് ചോസൺ വൺ’ അവതരിപ്പിച്ച സംഗീതനിശ ആകർഷകമായി.
പ്രത്യേകത നിറഞ്ഞ കലാപ്രകടനങ്ങൾക്ക് സാക്ഷിയാകാൻ നഗരത്തിലെ സ്കൂളുകളിൽനിന്നും കോളേജുകളിൽനിന്നും നിരവധി വിദ്യാർത്ഥികളാണ് എത്തിയത്. ചടങ്ങിൽ സംവിധായകൻ പ്രജീഷ് സെൻ, അരുൺ ഗിന്നസ്, വിവിധ മേഖലകളിൽ പ്രാവീണ്യം തെളിയിച്ച ഭിന്നശേഷിക്കാരായ ഫാത്തിമ അൻഷി, അനന്യ ബിജേഷ്, ആദിത്യ സുരേഷ്, ശങ്കർ മെമ്മോറിയൽ ആർട്ട് ആൻഡ് സയൻസ് കോളജിലെ അസ്സിസ്റ്റന്റ് പ്രൊഫസർ ആര്യ പ്രകാശ് എന്നിവർ പങ്കെടുത്തു.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
