തിരുവിതാംകൂർ ദേവസ്വം ബോർഡ് അംഗമായി അഡ്വ. പി.ഡി.സന്തോഷ് കുമാർ ചുമതലയേറ്റു

തിരുവനന്തപുരം ∙ തിരുവിതാംകൂർ ദേവസ്വം ബോർഡ് അംഗമായി അഡ്വ. പി.ഡി.സന്തോഷ്കുമാർ സത്യപ്രതിജ്ഞ ചെയ്ത് ചുമതലയേറ്റു.

ദേവസ്വം ബോർഡ് ആസ്ഥാനത്ത് നടന്ന ചടങ്ങിൽ തിരുവിതാംകൂർ സെക്രട്ടറി എസ്.ബിന്ദു സത്യവാചകം ചൊല്ലിക്കൊടുത്തു. സർക്കാർ വിജ്ഞാപനം ദേവസ്വം കമ്മിഷണർ ബി.സുനിൽകുമാർ വായിച്ചു. 
സാംസ്കാരിക- മത്സ്യബന്ധന വകുപ്പ് മന്ത്രി സജി ചെറിയാൻ, തിരുവിതാംകൂർ ദേവസ്വം ബോർഡ് പ്രസിഡന്റ് അഡ്വ.

പി.എസ്.പ്രശാന്ത്, അംഗം അഡ്വ. എ.അജികുമാർ, മുൻ രാജ്യസഭാംഗം കെ.സോമപ്രസാദ്, മുൻ എംഎൽഎ ആർ.രാജേഷ് എന്നിവർ ചടങ്ങിൽ പങ്കെടുത്തു.

മാന്നാർ സ്വദേശിയായ അഡ്വ. പി.ഡി.സന്തോഷ് കുമാർ മഹാരാജാസ് കോളജിൽ നിന്ന് രാഷ്ട്രമീമാംസയിൽ ബിരുദാനന്തര ബിരുദവും കോട്ടയം സ്കൂൾ ഓഫ് ലീഗൽ തോട്ട്സിൽ നിന്ന് നിയമത്തിൽ ബിരുദവും സ്വന്തമാക്കിയിട്ടുണ്ട്.

…