8 മണിക്കൂർ പരിശ്രമം: 75 അണലിക്കുഞ്ഞുങ്ങളെ ഒരു വീട്ടിൽ നിന്ന് പിടികൂടി
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
പലോട്∙ പാമ്പുപിടിത്തക്കാരിയുടെ നേതൃത്വത്തിൽ ഒരു വീട്ടിൽ നിന്നും 75 അണലിക്കുഞ്ഞുങ്ങളെ പിടികൂടി. പിടികൂടിയത് 8 മണിക്കൂർ പരിശ്രമിച്ച്. പാലോട് നന്ദിയോട് രാഹുൽ ഭവനിൽ ബിന്ദുവിന്റെ വീട്ടിൽ നിന്നാണ് പാമ്പുപിടിത്തക്കാരി നന്ദിയോട് രാജി അണലിക്കുഞ്ഞുങ്ങളെ പിടികൂടിയത്. ഞായർ രാത്രി നായ ബഹളം ഉണ്ടാക്കുന്നത് പരിശോധിച്ചപ്പോഴാണ് വലിയ അണലിയെ വീട്ടുകാർ കാണുന്നത്.
തുടർന്ന് പാമ്പിനെ കാണാതായി. ഇന്നലെ രാവിലെ വീടിന്റെ പരിസരത്ത് അണലിക്കുഞ്ഞുങ്ങളെ കണ്ടെത്തി.തുടർന്ന് നന്ദിയോട് രാജിയെ വിവരം അറിയിച്ചു. രാജി നടത്തിയ തിരച്ചിലിലാണ് 75 അണലിക്കുഞ്ഞുങ്ങളെ കണ്ടെത്തിയത്. രാവിലെ 10 മണി മുതൽ ആരംഭിച്ച തിരച്ചിൽ വൈകിട്ട് 6 മണിവരെ തുടർന്നാണ് കുഞ്ഞുങ്ങളെ എല്ലാം പിടികൂടിയതെന്ന് രാജി പറയുന്നു. എന്നാൽ അമ്മ അണലിയെ കണ്ടെത്താൻ കഴി‍ഞ്ഞില്ല. പിടികൂടിയ പാമ്പുകളെ പാലോട് വനംവകുപ്പിനു കൈമാറി.
