തിരുവനന്തപുരം ∙ ഇൗ മാസം 24ന് നറുക്കെടുക്കുന്ന ക്രിസ്മസ്–പുതുവത്സര ബംപർ ലോട്ടറി ടിക്കറ്റിന്റെ വിൽപന 48 ലക്ഷം കടന്നു. കഴിഞ്ഞവർഷം ആകെ 47.65 ലക്ഷം ടിക്കറ്റുകളാണു വിറ്റത്.
20 കോടി രൂപ ഒന്നാം സമ്മാനം നൽകുന്ന ബംപർ ടിക്കറ്റിന് ആവശ്യക്കാർ ഏറിയതോടെ 5 ലക്ഷം ടിക്കറ്റുകൾ കൂടി വിപണിയിലെത്തിച്ചു. ബംപറിന് വൻ സ്വീകാര്യതയാണ് ലഭിച്ചത്.
ആകെ 55 ലക്ഷം ടിക്കറ്റുകളാണ് അച്ചടിച്ചത്.
രണ്ടാം സമ്മാനമായി ഒരു കോടി രൂപ വീതം 20 പേർക്കും മൂന്നാം സമ്മാനമായി 10 ലക്ഷം രൂപ വീതം 20 പേർക്കും നാലാം സമ്മാനമായി 3 ലക്ഷം രൂപ വീതം 20 പേർക്കും നൽകും. അഞ്ചാം സമ്മാനമായി 2 ലക്ഷം രൂപ വീതം 20 പേർക്കും ലഭിക്കും.
ഒരു ലക്ഷം രൂപയുടെ 9 സമാശ്വാസ സമ്മാനങ്ങളുമുണ്ടാകും. കൂടാതെ 5000 രൂപ, 2000 രൂപ, 1000 രൂപ, 500 രൂപ, 400 രൂപ എന്നിവ ഉൾപ്പെടെ ആറേകാൽ ലക്ഷത്തിന്റെ സമ്മാനങ്ങളാണു നൽകുക.
400 രൂപയാണ് ടിക്കറ്റ് വില. 10 പരമ്പരകളിലായാണ് ടിക്കറ്റുകൾ വിപണിയിലെത്തിച്ചത്.
24ന് ഉച്ചയ്ക്ക് രണ്ടിനാണ് നറുക്കെടുപ്പ്. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
