തിരുവനന്തപുരം ∙ കുട്ടികളുടെ ബൗദ്ധിക വികാസത്തിനായി പ്രവർത്തിക്കുന്ന ആഗോള പ്രസ്ഥാനമായ യുസിമാസ് (UCMAS) സംഘടിപ്പിച്ച 6–ാമത് സംസ്ഥാനതല അബാക്കസ് മത്സരത്തിൽ ചാംപ്യൻ ഓഫ് ചാംപ്യൻസ് പുരസ്കാരം ലിയ ഫാത്തിമയ്ക്ക്. ഞായറാഴ്ച തിരുവനന്തപുരം പാപ്പനംകോട് ശ്രീരാഗം ഓഡിറ്റോറിയത്തിൽ നടന്ന ആവേശകരമായ പോരാട്ടത്തിനൊടുവിലാണ് ലിയ ഫാത്തിമ അഭിമാന നേട്ടം കൈവരിച്ചത്.
11,000 രൂപയും ട്രോഫിയും സമ്മാനദാനച്ചടങ്ങിൽ ലിയയ്ക്ക് സമ്മാനിച്ചു. ദേവഗിരി സിഎംഐ പബ്ലിക് സ്കൂളിലെ ഏഴാം ക്ലാസ് വിദ്യാർഥിയും മലപ്പുറം സ്വദേശികളായ മുഹമ്മദ് അലി-സുഫൈജ മുസ്തഫ ദമ്പതികളുടെ മകളുമാണ് ലിയ.
കരകുളം വിദ്യാധിരാജ എൽപിഎസ് പ്രിൻസിപ്പൽ അനീഷ് ജെ.
പ്രയാഗും അയിനിമൂട് മന്നം മെമ്മോറിയൽ ഇംഗ്ലിഷ് മീഡിയം ഹൈസ്കൂൾ പ്രിൻസിപ്പൽ ഗിരിജാംബികയും മുഖ്യാതിഥികളായി പങ്കെടുത്ത ചടങ്ങിൽ സംസ്ഥാനത്തിന്റെ വിവിധ ഭാഗങ്ങളിൽ നിന്നുള്ള അഞ്ഞൂറോളം വിദ്യാർഥികളാണ് മാറ്റുരച്ചത്. ഫൗണ്ടേഷൻ ലെവൽ മുതൽ ഗ്രാൻഡ് ലെവൽ വരെയുള്ള എട്ട് തലങ്ങളിലായി വിഷ്വൽ, ലിസണിങ്, ഫ്ലാഷ് എന്നീ മൂന്ന് വിഭാഗങ്ങളിലായാണ് മത്സരങ്ങൾ സംഘടിപ്പിച്ചത്.
വിവിധ വിഭാഗങ്ങളിൽ മികവ് തെളിയിച്ചവർക്ക് ട്രോഫിയും സർട്ടിഫിക്കറ്റും വിതരണം ചെയ്തു. കുട്ടികളിലെ ആത്മവിശ്വാസം, ഏകാഗ്രത, സർഗാത്മകത എന്നിവ വർധിപ്പിക്കുന്നതിൽ യുസിമാസ് പരിശീലനം വലിയ പങ്കുവഹിക്കുന്നുണ്ടെന്ന് യുസിമാസ് കേരള ഡയറക്ടർ സിന്ധു പ്രേംനാഥ് നായർ പറഞ്ഞു.
ഗണിത ശാസ്ത്രത്തോടുള്ള ഭയം നീക്കി, വേഗത്തിലും കൃത്യതയോടെയും കാര്യങ്ങൾ ഗ്രഹിക്കാൻ ഇത്തരം മത്സരങ്ങൾ വിദ്യാർഥികളെ പ്രാപ്തരാക്കുമെന്നും അവർ പറഞ്ഞു. കാൽക്കുലേറ്ററുകളെക്കാൾ വേഗത്തിൽ സങ്കീർണമായ ഗണിത പ്രശ്നങ്ങൾക്ക് മനസ്സിൽ ഉത്തരം കണ്ടെത്തുന്ന കൊച്ചുപ്രതിഭകളുടെ പ്രകടനം കാണികളെ ഏറെ അദ്ഭുതപ്പെടുത്തി.
മികച്ച പ്രകടനം കാഴ്ചവച്ച എല്ലാ വിദ്യാർഥികളെയും ചടങ്ങിൽ പ്രത്യേകം അഭിനന്ദിച്ചു. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
