തിരുവനന്തപുരം ∙ ശബരിമല ദേവസ്വം എക്സിക്യൂട്ടീവ് ഓഫിസറായി ഡെപ്യൂട്ടി ദേവസ്വം കമ്മിഷണർ ഒ.ജി.ബിജുവിനെ തിരുവിതാംകൂർ ദേവസ്വം ബോർഡ് നിയമിച്ചു. എസ്.ശ്രീനിവാസ് ആണ് പുതിയ ശബരിമല അഡ്മിനിസ്ട്രേറ്റീവ് ഓഫിസർ.
ഡെപ്യൂട്ടി ദേവസ്വം കമ്മിഷണർ ഡിജിറ്റൈസേഷൻ, ഡെപ്യൂട്ടി ദേവസ്വം കമ്മിഷണർ ഇൻസ്പെക്‌ഷൻ, ആലുവ ദേവസ്വം അഡ്മിനിസ്ട്രേറ്റീവ് ഓഫിസർ, എരുമേലി ദേവസ്വം അഡ്മിനിസ്ട്രേറ്റീവ് ഓഫിസർ എന്നീ പദവികൾ വഹിച്ചിട്ടുള്ള ഒ.ജി.ബിജു തിരുവനന്തപുരം സ്വദേശിയാണ്.
എസ്.ശ്രീനിവാസ് ശബരിമല അസി. എക്സിക്യൂട്ടീവ് ഓഫിസർ, മാവേലിക്കര ഓഡിറ്റ് ഓഫിസർ എന്നീ പദവികൾ വഹിച്ചിട്ടുണ്ട്.
ആർ.ജെ.ഹേമന്ത് ആണ് പുതിയ ശബരിമല അസിസ്റ്റന്റ് എക്സിക്യൂട്ടീവ് ഓഫിസർ. വി.ജയകുമാറിനെ പമ്പാ ദേവസ്വം അഡ്മിനിസ്ട്രേറ്റീവ് ഓഫിസറായും എം.വി.ഉണ്ണികൃഷ്ണൻ നായരെ നിലയ്ക്കൽ ദേവസ്വം അഡ്മിനിസ്ട്രേറ്റീവ് ഓഫിസറായും നിയമിച്ചു.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
