വൈറലാണ് ഈ ‘തറവാട്’; പഴമയുടെ പ്രൗഢിയും കുളിർമയുമേകി കനകക്കുന്നിലെ ‘നാലുകെട്ട് തറവാട്’

തിരുവനന്തപുരം∙ പഴമയുടെ പ്രൗഢിയും കുളിർമയുമേകി കനകക്കുന്നിലെത്തുന്നവർക്ക് കാഴ്ചയുടെ വേറിട്ട അനുഭവം പകർന്നു നൽകുകയാണ് നാലുകെട്ട് തറവാട്.

ഓണം വാരാഘോഷത്തോടനുബന്ധിച്ച് കൊട്ടാരത്തിന് സമീപത്തെ മഞ്ചാടി മരചുവട്ടിലാണ് തലയെടുപ്പോടെ ഈ തറവാട്  ഒരുക്കിയിരിക്കുന്നത്. മുറ്റത്ത് തുളസിത്തറയും വിശാലമായ വരാന്തയിൽ നിരവധി തൂണുകളും പ്രധാന വാതിലിനു മുന്നിലായി ചാരുകസേരയും വിളക്കും ഒരുക്കിയിട്ടുണ്ട്. തറവാടിന് മുന്നിൽ നിന്ന് ഫോട്ടോയും റീലുകളും എടുക്കാൻ ആളുകളുടെ തിരക്കാണ്.

ഊഞ്ഞാലും പൂക്കളവുമൊക്കെയായി ഗൃഹാതുരുത്വം ഉണർത്തുന്ന അനുഭവമാണ് തറവാട് നൽകുന്നത്. …