കിളിമാനൂർ ∙ കരാർ നൽകി 8 മാസം കഴിഞ്ഞിട്ടും റോഡ് നവീകരണം നടത്തുന്നില്ലെന്ന് പരാതി. പഞ്ചായത്തിൽ പത്താം വാർഡിലെ പുതിയകാവ് വർത്തൂർ പുല്ലയിൽ റോഡ് നവീകരണത്തിനു കരാർ നൽകിയത് 2025 മാർച്ച് 29ന്.
6 മാസത്തിനകം പണി പൂർത്തിയാക്കണമെന്ന കരാറിന്റെ കാലാവധി രണ്ട് മാസം മുൻപ് അവസാനിച്ചു. സംസ്ഥാന സർക്കാരിന്റെ ഗ്രാമവികസന ഫണ്ട് ഉപയോഗിച്ചുള്ള റോഡ് നവീകരണത്തിനു 40 ലക്ഷം രൂപയ്ക്കാണ് കരാർ നൽകിയത്.
റോഡിന്റെ ശോച്യാവസ്ഥയെ കുറിച്ച് എംഎൽഎ, പഞ്ചായത്ത് അംഗം എന്നിവരോട് പരാതി പറയുമ്പോൾ റോഡ് നവീകരണത്തിനു 40 ലക്ഷത്തിന്റെ കരാർ നൽകിയെന്നും, കരാറുകാരൻ പണി നടത്തുന്നില്ല എന്ന മറുപടിയാണ് ലഭിക്കുന്നതെന്നു നാട്ടുകാർ പറഞ്ഞു.
റോഡ് തകർന്നു തരിപ്പണമായതോടെ ജനങ്ങളുടെ യാത്ര ദുരിതത്തിലായി. ചെളി കാരണം തോട്ടഴികത്ത് നിന്നു പുല്ലയിലേക്കുള്ള യാത്ര മുടങ്ങിയിട്ട് മാസങ്ങളായി.
മെറ്റലും ടാറും ഇളകി റോഡ് തകർന്നിട്ട് വർഷങ്ങളായി.
ചെറിയ മഴയത്ത് പോലും റോഡ് കുളനും തോടുമായി മാറും. കനത്ത മഴയത്ത് റോഡ് ശക്തമായ നിലയിൽ വെള്ളത്തിന്റെ ഒഴുക്കുള്ള റോഡായി മാറും.
മഴയത്ത് ചെളി നിറഞ്ഞാൽ കാൽനട പോലും അസാധ്യം.
വേനൽക്കാലത്ത് പൊടിശല്യവും ഉണ്ട്. ഏകദേശം രണ്ട് കിലോമീറ്റർ ദുരമുള്ള റോഡിൽ തോട്ടഴികത്ത് കഷ്ടിച്ച് 100 മീറ്റർ മാത്രമാണ് കോൺക്രീറ്റ് ചെയ്തത്.
ഇതിന്റെ അടിസ്ഥാനത്തിൽ പണി തടസ്സമില്ലാതെ നടക്കുന്നു എന്നാണ് ബന്ധപ്പെട്ട ഓവർസീയറുടെ വാദം.
തോട്ടഴികത്ത് നിന്നു പുല്ലയിലേക്ക് പോകുന്ന റോഡ് ചെളികണ്ടമായി മാറിയതോടെ കാൽനട പോലും അസാധ്യം.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
