ശബരിമല: നിറപുത്തരിക്കായുള്ള നെൽക്കതിരുകൾ അച്ചൻകോവിലിൽനിന്ന് പുറപ്പെട്ടു

പത്തനംതിട്ട ∙ ശബരിമലയിൽ നിറപുത്തരിക്കായുള്ള നെൽക്കതിരുകൾ എത്തിക്കുന്നത് അച്ചൻകോവിലിൽ നിന്ന്.

നെൽക്കതിരുകളുമായുള്ള ഘോഷയാത്ര അച്ചൻകോവിൽ ശ്രീധർമശാസ്താ ക്ഷേത്രത്തിൽ നിന്ന് പുറപ്പെട്ടു. രാവിലെ 4.30ന് ക്ഷേത്രത്തിലെ മണ്ഡപത്തിൽ സൂക്ഷിച്ചിരുന്ന നെൽക്കതിരുകൾ തിരുവിതാംകൂർ ദേവസ്വം ബോർഡ് പ്രസിഡന്റ് അഡ്വ.

പി.എസ്.പ്രശാന്ത്, അംഗം അഡ്വ. എ.അജികുമാർ എന്നിവർ ചേർന്ന് ഏറ്റുവാങ്ങി.

ക്ഷേത്രത്തെ വലം വച്ച ശേഷം ഏറ്റുവാങ്ങിയ നെൽക്കതിരുകൾ ഘോഷയാത്ര സംഘത്തിന് കൈമാറി. വിവിധ ഇടങ്ങളിലെ സ്വീകരണത്തിനു ശേഷം ഘോഷയാത്ര വൈകിട്ട് ശബരിമല സന്നിധാനത്ത് എത്തിച്ചേരും.

നാളെ പുലർച്ചെ 5.30നും 6.30നും ഇടയിലുള്ള മുഹൂർത്തത്തിലാണ് നിറപുത്തരി. …