റോഡ് വശങ്ങളെ ഡിപ്പോ ആക്കി തകൃതിയായി തടിക്കച്ചവടം

മാടത്തുംപടി ∙ ഗ്രാമീണ റോഡിന്റെ വശത്തെ തടി ഡിപ്പോ വാഹന യാത്രക്കാർക്കു കെണി. വാഹനങ്ങൾ വശം ചേർത്താൽ തടികളിലിടിച്ച് അപകടം സംഭവിക്കുന്ന സ്ഥിതി.

മാടത്തുംപടി ജല വിതരണ പദ്ധതിയുടെ കിണറിനും പമ്പ് ഹൗസിനും സമീപമാണ് വാഹന യാത്രക്കാർക്കു കെണിയായി തടികൾ തള്ളിയിരിക്കുന്നത്. മാടത്തുംപടി–സ്റ്റോറുംപടി റോഡിനോടു ചേർന്നാണ് കിണറും പമ്പ് ഹൗസും.

ഇതിന്റെ മുൻവശത്താണ് തടികൾ കിടക്കുന്നത്.
കുടിയിടകളിൽ നിന്ന് വിലയ്ക്കെടുക്കുന്ന തടികൾ പിക്കപ് വാനുകളിലും മറ്റും കയറ്റി ഇവിടെ തള്ളുകയാണ്. പിന്നീട് ലോറിയിൽ കയറ്റിപ്പോകും.

റോഡിലെ ടാറിങ്ങിനോടു ചേ‍ർന്നാണ് തടികൾ കിടക്കുന്നത്. ഇതുമൂലം വാഹനങ്ങൾക്കു വശം കൊടുക്കാനിടമില്ല.

തുടരെ തടികൾ തള്ളി വശം ചെളിക്കുഴിയായിരിക്കുന്നു. ഇതു തുടർന്നാൽ റോഡിന്റെ സംരക്ഷണഭിത്തിയും ഇടിയും.

…